Ölkəmizin ciddi zərbə hiss etməyi üçün xamon (ispan milli məzəsi-red.) və parmezan (İtaliya pendiri-red.) tədarükünü dayandırmaq azdır. İdeoloji rəqiblərimiz bizi beynəlxalq bank ödənişləri sistemi SWIFT-dən ayıranda və yaxud Rusiya şirkətlərinə Qərb bazarlarında qiymətli kağızlar alverini yasaqlayanda həyəcan qaldırmaq lazım gələcək. Böyük tutumlu təyyarələrin bizə satılması dayanacaq: biz 18 il boyunca yüzyerlik "Supercet” bölgə laynerindən böyük heç nə düzəltməmişik. Ya da, əksinə, Fransanın helikopterdaşıyan "Mistral”ıyla olduğu kimi Rusiyaya yüksəktexnologiyalı məhsulların satışını bağlayacaqlar. İrana qarşı yeni sanksiyalar modelində bizim neft və qazımızın alqısına yasağı da buna əlavə edin və doğrudan da, Rusiyanın tam təcridi fəaliyyətdədir. Bax, tərəfdaş adlandırdıqlarımız o zaman gerçək sanksiyalara keçəcəklər, yeni tipli III dünya savaşının başlanğıcı da bu olacaq. Amma bundan Qiyamət günü kimi qorxmaq gərək deyil. Heç olmasa, ona görə ki, müharibə cəmiyyətin, ayrıca bir ölkə və bütünlükdə dünya iqtisadiyyatının inkişafında katalizatordur. II dünya savaşı zamanı nüvə silahının yaradılmaası üzrə işlər başlanıb və bunun sayəsində savaş bitəndən bir an sonra Kaluqa vilayətində ilk atom elektrik stansiyasının buraxılışıhəyata keçirilib. Dinc atom "müharibəylə yenidənyüklənmə”nin heç də yeganə üstünlüyü deyil.