“Ermənilərin də o çürük beyinlərini bu cür doldurublar...”


““Rossiya 1” kanalından Şuşaya gəlmişdilər və orda mən də müsahibəm zamanı həqiqətləri dedim. Şuşa şəhərinin bizim olduğunu və ermənilərin 28 il, 6 ay işğal altında qalan zaman şəhəri dağıtdığını dedim. Şuşa Azərbaycan şəhəridir, ermənilər nə mümkünsə onu dağıtdılar. Həmçinin Bülbülün ev muzeyini də xaraba. qoydular. Şükür Allaha ki, Şuşamız işğaldan azad edildi və biz artıq bu yerlərə qayıtmışıq”.
 
Bunu Moderator.az-a açıqlamasında jurnalist, Bülbülün Şuşadakı ev muzeyinin direktoru Fəxrəddin Hacıbəyli deyib. F.Hacıbəyli Rusiya kanalının Şuşa haqqında çəkdiyi reportajının ermənilərdə qıcıq yaratmasına da münasibət bildirib:
 
“Burda təmir-bərpa işlərində çalışan insanların hamısı ürəklə işləyir. Mən artıq bir ilə yaxındır ki, Şuşada yaşayıram. Sentyabr ayından Bülbülün ev muzeyinə direktor təyin olunmuşam. Ermənilərə həqiqət həmişə qıcıq verib. Onların bütün əməlləri yalan üstündə qurulub. Onların yalanları açılanda da bu cür reaksiya verirlər. Amma onların o cür reaksiya vermələrinin heç bir əhəmiyyəti yoxdur. Biz həqiqəti söyləyirik. Allah bizim Ali Baş Komandanımıza, Cənab İlham Əliyevə can sağlığı versin. O, 44 günlük Vətən müharibəsində torpaqlarımızı işağldan azad etdi. Allah şəhidlərimizə rəhmət eləsin, qazilərimizə şəfa versin. Bu torpaqlarda can qoydular. Dünyanın bütün ölkələrindən Şuşaya səfərə gəlirlər. O insanlar da inanırlar ki, bura Azərbaycan torpaqlarıdır. Ermənilərin də o çürük beyinlərini bu cür doldurublar”.
 
Qeyd edək ki, Rusiyanın “Rossiya 1” kanalının Şuşadan reportaj hazırlaması ermənilərin narazılığına səbəb olub. Onlar telekanalın bloklanmasını tələb ediblər. 
 
Vasif Əlihüseyn


Oxşar Xəbərlər

Xəbər lenti


{sape_links}{sape_article}