Müzəffər ordunun müzəffər Ali Baş Komandanı yenə öz igidliyi ilə dünya mediasını heyran etdi. Xarici jurnalistlərlə müsahibələrində bir neçə dəfə jurnalistlər ona bu sualla müraciət etmişdilər ki, “Siz azad olunmuş torpaqlara səfər edəcəksinizmi?” Əlbəttə bu öz torpağının sərkərdəsi olan bir şəxsiyyətə verilən ən səhv sual idi. Cənab Prezident əsil komandan kimi səfər etdi gözəl diyarlarımıza. Xarici jurnalistlər , bir çox siyasətçilər bu sualı ünvanlayarkan bəlkə də inanmazdılar ki, azad olunmuş torpaqlarımıza nəinki böyük səfərlər olunacaq hətta gözəl Qarabağımızda tez bir zamanda sürətli yenidən qurma işlərinə başlanacaq.
       Məhz Ali Baş Komandanımızın apardığı siyasətin nəticəsidir ki, biz bu gün ata-baba torpaqlarımızın müstəqilliyini, azadlığını görə bilirik.
       Bəli, biz qayıtdıq... Dağı da, daşı da, çayı da, bulağı da bizə həsrət, gəlişimizə sevinən Vətənimizə qayıtdıq.
       Ali Baş Komandan, cənab prezident  İlham Əliyev 2021-ci il 16 mart tarixində Şuşa səfərinə səyahəti 7 dən 77 yə bütün Azərbaycan xalqının sevincinə səbəb oldu.Bu səfər 30 illik həsrətdən sonra Şuşanın ilk bayramı idi. Cənab Prezidentimiz sadəcə səfər etmədi eyni zamanda mənfur düşmənə və bütün dünyaya meydan oxudu. Bir neçə kilometr aralıda düşmən ordusu var amma biz heç bir zaman düşməndən qorxmamışıq və qorxmuruq mesajını göndərdi. Ali Baş Komandanımızın yürütdüyü siyasət nəticəsində Şuşa əvvəlkindən də gözəl ecazkar bir şəhər olacaq və bütün dünyanı qayıdışı ilə heyran edəcək. Bu istiqamətdə artıq bir neçə işlər görülüb və görülməkdədir. Belə ki, Heydər Əliyev Fondu tərəfindən icra olunması nəzərdə tutulan Şuşanın enerji təminatı ilə bağlı layihə artıq həyata keçirilib.
Ali Baş Komandan cənab İlham Əliyev dəfələrlə öz çıxışlarında qeyd etmişdir ki, “Şuşa Azərbaycanın qədim, əzəli torpağıdır və biz Şuşanı regionun ən gözəl şəhərinə çevirəcəyik. Şuşa öz qonaqlarını müasir və yeni komplekslərdə qəbul edəcək”.
Bu səfər həm də siyasi bir mesajın vurğulanan cümləsi idi. O mesaj ki, Azərbaycan ordusunun mənəvi üstünlüyü, döyüş əzmi və Ali Baş Komandanın hərbi strategiyası ilə  bizə tarixi qələbəni yaşadaraq dünyaya ünvanlandı. Yaşasın Azərbaycan ordusu! Yaşasın Ali Baş Komandan!

Əhədova İlahə Hicran qızı,
E.Qaranzadə adına 270 nömrəli tam orta məktəbin müəllimi