Azərbaycan sərhədində 7-ci əsr Ərəbistanına aid xatirə ilə hərbi təlim keçirən İranda 01 oktyabr 2021-ci il tarixinə olan rəsmi məlumata görə 121 mindən çox insan COVİD-19 virusunun qurbanı olub. Müstəqil mənbələr isə rəsmi məlumatların saxatalaşdırıldığını koronavirusdan ölənlərin sayının təsmi məlumatdakı rəqəmdən üç dəfə çox olduğunu bildirirlər. 
Hətta rəsmi məlumatı İran qədər əhalisi olan başqa bir İslam ölkəsi ilə müqayisə etdikdə molla ağlı idarə olunan İslam Respublikaısnda vəziyyətin nə qədər ağır olduğu üzə çıxır.  
 İran qədər əhalisi olan Türkiyədə koronavirusdan ölənlərin sayı cəmi 64 037 nəfərdir. Aydın görünür ki, Türkiyə ilə müqayisədə İranda koronavirusun qurbanların sayı təxminən iki dəfə artıqdır. 
Türkiyədə tamamilə peyvənd olunmuş şəxslər 44 758 512 nəfər, yəni 52,37  faiz təşkil edir. İranda isə cəmi 15 646 961 nəfər tamamilə peyvənd olunub ki, bu da 18,34 faiz təşkil edir. Türkiyədə 109 925 744 peyvənd dozu istifadə edildiyi halda,  İranda cəmi 51 950 783 peyvənd dozu istifadə edilib. 
Türkiyə ilə İran arasında bu müqayisə Tehran rejiminin vətəndaşlarına qeyri-insani münasibətini aydın göstərir. Molla ağlı ilə idarə olunan İranda rəsmi məlumata görə Türkiyədən iki dəfə çox insan koronovirusun qurbanı olub. Türkiyədən fərqli olaraq zəngin yeraltı sərvətlərə, neft və qaz yataqlarına malik İranın molla rejimi peyvənd alıb əhalisini xilas etmək əvəzinə Azərbaycan sərhədində hərbi təlim keçirir. Regionda heç nəyi dəyişməyəcək, sadəcə olaraq gərginliyi artracaq bu hərbi təlimə sərf edilən vəsaitə yəqin ki bir neçə milyon peyvənd dozu almaq olardı. Molla ağlı idarə olunan İranda isə vətəndaşları xilas etmək əvəzinə 7-ci əsr Ərəbistanına aid xatirə ilə hərbi təlim keçirməyə üstünlük verilir. İranda isə hər gün ən azı 200 nəfərdən artıq insan koronavirusun qurbanı olur. İki ay əvvəl hətta iki dəqiqdən bir bir insan COVİD-19 virusunun qurbanı olurdu. 
Bu dövlətin molla ağlı ilə idarə olunmasının acı nəticələrindən yalnız biridir.
Xəqani Cəfərli, 
Politoloq