Azərbaycan Milli Elmlər Akademiyasının prezidenti Ramiz Mehdiyev(in) əməliyyatı yeni şəxslərin qoşulması, eləcə də Prezident Administrasiyanın keçmiş rəhbərinə qarşı ittiham və təhqirlərin sərtləşməsi ilə davam edir. Ramiz Mehdiyev(in) əməliyyatı çox qısa zaman əvvəl başlamasına baxmayaraq artıq ilkin nəticələrindən danışa bilərik. Qənaətimcə ilkin nəticə bunlardır;
1. Ramiz Mehdiyev dövlət hakimiyyətinin ən önəmli qolu olan qanunvericilik institutunun saxta seçki yolu ilə formaşdığnı təsdiq etdi.
2. Ramiz Mehdiyev iqtidarın uzun müddət əmək verərək ictimai rəydə qismən ligitimləşdirməyə nail olduğu “avtobus müxalifəti” layihəsini ifşa edərək, onu istifadəyə yararsız hala gətirdi. 
3. Ramiz Mehdiyev 30 illik arxivini hələlik açmasa da bəzi şəxslərin ictimai varlığını məhv etməklə yanaşı Rusiya ilə bağlı ona yönələn ittimaların ünvanını da dəyişdi.                                                         

Son 30 illik tariximizin əsas siyasi aktyorlarından olan Ramiz Mehdiyevin bir açıqlama ilə nail olduğu nəticələr təsdiqləyir ki, Prezident Administrasiyasnın keçmiş rəhbəri 30 illik arxivini açsa ölkədə yeni siyasi vəziyyət yarana bilər. Ramiz Mehdiyevin arxivini açıb-açmayacağını söyləmək çətindir. Qənaətimcə həmin arxivdən özünün və ailə üzvülərinin toxunulmazlığını təmin etmək üçün istifadə edəcək. Ancaq xəbərdarlıq məqsədilə bəzi məlmatların ictimailəşməsinə imkan verə bilər.
Xəqani Cəfərli,
Politoloq
Sozcu.info