MƏN AYB-nin ÜZVÜYƏMSƏ...


Bu Vətən hamınındır. Hamının da haqqı var Şuşaya, digər azad olunmuş rayonlara getməyə. Şuşaya getmək üçün lazım gəlsə dava da etməliyik!Çünki Şuşa bizim qürurumuzun, sevincimizin Allah yaxın yerində yerləşir.

Şuşaya getmək hamı üçün maraqlı olmalıdır. Hamı istəməlidir.

Şuşaya getmək mənim üçün ən müqəddəs arzulardan biridir.

Mən 13 ildi AYB-nin üzvüyəm. Az-çox cəmiyyət arasında tanınan, özünə görə oxucusu olan bir qələm adamıyam.

Mən AYB-nin üzvüyəmsə, Vaqif Poeziya Günləri keçirilirsə,   niyə getməməliyəm Şuşaya?

Şuşaya Vaqif günlərinə təkrar gedənlərin hansı məndən artıqdı?

Mən də bu ölkənin vətəndaşı olaraq, dövlətin yaratdığı imtiyazlardan bəhrələnmək istəyirəm.

AYB-nin siyahısı sanki heç vaxt yenilənmir.Hər yerə eyni adamlar gedir.

Sədrəzəm Anar müəllim siyahını tutanda görmədimi ki, bu adamların böyük əksəriyyəti ötən il gediblər Şuşaya. İndi orada onların ikinci dəfə iştirak etməyinə nə ehtiyac varıydı?

Yoxsa başqalarının fərqlənən xüsusi bir statusa sahibdir həmin adamlar, bizim xəbərimiz yoxdur.

Ötən il Vaqif Poeziya Günləri keçiriləndə umub-küsənlərə özüm etiraz edirdim ki, əsas odur Şuşa bizdədir, növbəti illərdə gedərik. İndi belə görünür AYB hər il eyni adamları göndərəcək Şuşaya.

Ümumiyyətcə AYB də keçirilən qurultaylara, dövlət əhəmiyyətli tədbirlərə niyə dəvət olunmayım?

Harasa dəvət almaq üçün  AYB-nin hansısa məsul şəxslərinin yaxın dostu, qohumu, yerlisi olmaqmı lazımdır?

Bu ölkədə məmur özbaşınalığı, aliqarx müştəbehliyi görəndə qınayırıq ki, cahildirlər, savadsızdırlar, kitab oxumurlar...

Kitab oxumayanlar bir yana, kitabı yazanlar digər yazarların haqqını tapdayanda nə deyək, Anar müəllim?..

 Qılman İman

AYB-üzvü



Oxşar Xəbərlər

Xəbər lenti


{sape_links}{sape_article}