İcra Hakimiyyəti şəhidin adına bulaq tikməyə icazə vermir – Şəhidin qardaşından iddia

“Qardaşım Füzuli uğrunda gedən döyüşlərdə şəhid olub. Qobustan rayonunda adına verilən küçədə bulaq kompleksi tikmək istəyirik. Ancaq rayon icra hakimiyyəti buna icazə vermir”.
Bunu Sozcu.info-a şəhid Sərxan Hacıyevin qardaşı Orxan Hacıyev bildirib. Şəhidin qardaşı iddia edir ki, İcra Hakimiyyətinə və Qobustan rayonunun deputatı Şahin Seyidzadəyə müraciət etsələr də təklifləri qəbul edilməyib. 
“Qobustan Rayon İcra Hakimiyyətinin başçısı Adil Məmmədov atama deyib ki, biz rayonda heç bir şəhid ailəsinə nəsə tikmək üçün icazə verməmişik. İndi sizə icazə versək, digər şəhid ailələri də gəlib nəsə istəyəcəklər”. Şikayətçi həmçinin deputat Şahin Seyidzadəyə də müraciət etdiklərini deyir: “Anam Humay Hacıyeva ilə birlikdə bir neçə gün əvvəl rayonumuzun deputatı Şahin Seyidzadənin qəbulunda olduq və məsələni ona da dedik. İlk öncə icazə olmadığını dedi, daha sonra bulaq üçün rayon bələdiyyəsindən sənəd almalı olduğumuzu dedi. Bir də bulağa gələn suyun pulunu kimin ödəyəcəyini, sayğacın kimin adına olacağını soruşdu. Mən də özümün ödəyəcəyimi bildirdim. Amma buna baxmayaraq, bizə bulaq kompleksinin tikintisi üçün icazə olmadığını dedi”, - Orxan Hacıyev bildirib.
İddia ilə bağlı Qobustan rayonu İcra Hakimiyyəti ilə əlaqə saxlmağa çalışsaq da mümkün olmadı.


Oxşar Xəbərlər

Xəbər lenti


{sape_links}{sape_article}