Prezident İlham Əliyevin rəhbərliyi ilə həyata keçirilən siyasətin əsas istiqamətlərindən birini şəhid ailələrinin, yaralı əsgərlərimizin hər cür diqqət və qayğı ilə əhatə olunmaları təşkil edir. Bu istiqamətdə həyata keçirilən tədbirlər bütün cəmiyyətimiz, o cümlədən şəhid ailələri tərəfindən məmnunluqla qarşılanır.
Dövlətlətimizin başçısı, Müzəffər Ali Baş Komandan İlham Əliyevin və Birinci vitse prezident Mehriban xanım Əliyevanın göstərişlərinə uyğun olaraq Suraxanı rayonunda şəhid ailələrinə diqqət və qayğı müntəzəm xarakter daşıyır. 

Sozcu.info xəbər verir ki, vətəni ləyaqətlə qoruyaraq şəhadətin zirvəsinə yüksəlmiş Şəhidimiz Əsədov Səbuhi Azər oğlunun ailə üzvlərinin yaşadığı Suraxanı rayonu, Yeni Suraxanı qəsəbəsi, A.Rzayev küçəsində də abadlıq işləri aparılıb, Rayon İcra Hakimiyyətinin müraciəti əsasında Azərbaycan Avtomobil Yolları Dövlət Agentliyi tərəfindən 2500 kv.m asfalt örtüyü salınıb. Həmçinin şəhidin xatirəsinin əbədiləşdirilməsi məqsədilə sözügedən küçədə abidə - bulaq kompleksi də inşa edilir.
Qeyd edək ki, Suraxanı rayonunda şəhid ailələrinin yaşadıqları ünvanların hər birində təmirsiz yolların asfaltlanması işləri davam etdirilir.