Əvvəlki Sonrakı

Mehdiyevin ailə üzvlərinin ölkədən çıxışına “stop” qoyulub -ÖZƏL

17-10-2025, 18:29

İcarədardan Azay Möhnətova yeni ittihamlar :Kompensasiya maxinasiyası

14-10-2025, 22:23

Xankəndidə keçirilən hərbi parad

17-09-2025, 13:59

Antiterror əməliyyatı zamanı hərbçilərimiz böyük qəhrəmanlıq, şücaət, peşəkarlıq göstərmişlər

16-09-2025, 13:04

Polşada HƏYƏCAN: Müdafiə qüvvələri təcili SƏFƏRBƏR EDİLDİ

10-09-2025, 10:22

 Ölülərə qoyulan fərq: Dəfn pulu niyə hamıya verilmir? - HƏQİQƏTƏN DƏ.

Ölülərə qoyulan fərq: Dəfn pulu niyə hamıya verilmir?
Hazırda ölkəmizdə pensiyaçı şəxslərin yaxınlarına dəfn üçün verilən müavinətin məbləği minimum (280 AZN) pensiyanın 3 misli qədər, yəni 840 manatdır.

Pensiyaçı olmayanlar üçünsə müavinətin məbləği 500 manat hesablanıb. Bu həftə mətbuata açıqlamasında Əmək və Əhalinin Sosial Müdafiəsi naziri Sahil Babayev sözügedən məbləğin mərhələlərlə artırılacağını deyib:

“Həm uşağın anadan olmasına, həm də dəfnə görə müavinətlərdə son 4 il ərzində 5 dəfəyə yaxın artım olub. Bu tendensiya davam etdiriləcək. Hər sosial islahat paketində bu məsələyə bir daha baxılacaq”.

Qanunvericiliyə görə, dəfn üçün müavinət sığorta olunan, əmək pensiyaçısı və ya sosial müavinət alan, habelə işsizlikdən sığorta ödənişini alan şəxslər vəfat etdikdə verilir. İşsiz və ya rəsmi iş yeri olmayanlar, pensiya və sosial müavinət, eləcə də işsizlikdən sığorta ödənişi almayan şəxslər vəfat etdikdə dəfn üçün müavinətin verilməsi mövcud qanunvericilikdə nəzərdə tutulmayıb.

Bəzi ekspertlərin fikrincə, bu, doğru yanaşma deyil. Əslində işsiz şəxslərin ailəsinin dəfn üçün həmin məbləğə daha çox ehtiyacı var.

Deputat Ceyhun Məmmədov “Cümhuriyət”-ə açıqlamasında bildirib ki, hər kəs bu müavinətdən yararlanmalıdır:

"Ümumiyyətlə, mən bu məsələyə dəfələrlə toxunmuşam. Dəfn pulunun miqdarı artırılsa da, yenə də azdır. Hər birimiz bilirik ki, bir insanın dəfni üçün nə qədər vəsait lazımdır, ona görə də bu vəsaitin qaldırılması ilə bağlı addımlar atılmalıdır. Xarici təcrübəni də öyrənmək lazımdır, bu qərar hamıya şamil edilməlidir, hər kəs bu vəsaitdən az da olsa, bəhrələnməlidir. Bu məsələyə yenidən baxılmasına ehtiyac var".

"Pensiya, müavinət, maaş almayan şəxslərin dəfn puluna daha çox ehtiyacı var. Bu vətəndaşların da ölüm haqqı tanınmalıdır, onların da dəfninə dövlət qayğısı göstərilməlidir" - bunu isə iqtisadçı Akif Nəsirli deyib.

O, açıqlamasında bildirib ki, hazırda bu haqdan sığorta ödəyənlər yararlana bilir:

"Biz kifayət qədər sərvəti olan ölkədə yaşayırıq. Əmək və Əhalinin Sosial Müdafiəsi Nazirliyinin tabeliyində Dövlət Sosial Müdafiə Fondunun qərarı isə özünü sosial cəhətdən müdafiəyə ehtiyacı olan əhalini və büdcəyə hər hansı bir formada sığorta haqqı ödəyən vətəndaşları əhatə edir. ƏMAS-a görə sosial müdafiəyə ehtiyacı olan həssas qruplar mütləq dəfn pulu ilə təmin edilməlidir, çünki onlar əmək qabiliyyətlərini itirmədikləri zamanlar işləyərək sığorta ödəyib.

Bununla bağlı olaraq bu ödənişlərdən də həmin vətəndaşlara dəfn pulu verilməsi nəzərdə tutulub. Rəsmi iş yeri olanlar da sığorta ödəyir deyə bu haqdan yararlanırlar. Dəfn pulu həmin vətəndaşlardan alınan vəsaitlər hesabına formalaşır”. Akif Nəsirlinin fikrincə, işsiz vətəndaşların da ölkədə dəfn pulu alması, dövlətin dəstəyi ilə layiqli şəkildə dəfn olunması təqdir ediləcək addım olardı: "İşsiz vətəndaşın gəlirləri də çox aşağı olur, buna görə də bu vəziyyət nəzərə alınmalıdır".


Oxşar Xəbərlər

Prezident İlham Əliyev əfv sərəncamı imzaladı SİYAHI
MÜHASİBDƏN NAZİRLƏRƏ MÜRACİƏT - Şirkətlər niyə şəffaf işləyə bilmir?
Minimum əməkhaqqının 180 manat olmasına SEVİNMƏLİYİK?
JURNALİSTLƏRİN FƏALİYYƏTİNİ TƏNZİMLƏYƏCƏK YENİ QANUN LAYİHƏSİ - TAM MƏTN

Xəbər lenti

PRİZMA

“Böyük Qayıdış” – Zəngilanın Yeni İnkişaf Dövrü
“Böyük Qayıdış” – Zəngilanın Yeni İnkişaf Dövrü

MÜSAHİBƏ

TƏHLİL

ABŞ İSRAİLİ SON ÇƏTİN VƏZİYYƏTDƏN QORUDU VƏ...
ABŞ İSRAİLİ SON ÇƏTİN VƏZİYYƏTDƏN QORUDU VƏ... - "Bu mərhələdə əsas hədəf isə heç şübhəsiz İrandır"

SOSİAL