Türkiyədə 2021-ci ildə Kahramanmaraş Sütçü İmam Universiteti Xəstəxanasında dünyaya gələn Deniz Esin Bozoklar az çəki səbəbilə küvəzdə saxlanılıb.

Sozcu.info xəbər verir ki, körpənin vəziyyətində sonradan yaranan ağır sağlamlıq problemlərinin anadangəlmə deyil, xəstəxanada tətbiq edilən fiziki zorakılıq nəticəsində baş verdiyi illər sonra ortaya çıxıb.

Araşdırmadan sonra tibb bacısı Hazel Dırık B. işdən çıxarılıb və barəsində cinayət işi açılıb.

2024-cü ildə başlayan məhkəmə prosesində təhlükəsizlik kamerası görüntüləri iş materiallarına daxil edilib.

Ailənin vəkili görüntülərin körpənin ömürlük əlil qalmasının səbəbini açıq şəkildə göstərdiyini bildirib. Hazırda məhkəmə prosesi davam edir.

Musavat.com