• Moskva birjasında dolların məzənnəsi sentyabrın 8-dən bəri ilk dəfə olaraq 98 rublu ötüb.

Qeyd olunub ki, maksimum olaraq, "amerikalı" 98,04 rubla yüksəlib. Sonra məzənnə 97,8 rubl müəyyənləşib. Avronun məzənnəsi 2023-cü il sentyabrın 20-dən bəri ilk dəfə olaraq 103 rubl səviyyəsini ötüb. “Avropalı” 103,11 rubla qədər bahalaşıb, bundan sonra kotirovkalar 102,96 rubla düşüb.

“Cümə axşamı baş verən vergi ödənişlərinin pik həddi keçməsi rublun növbəti dəfə ucuzlaşmasına səbəb olub. Bu, xarici valyutaya artan tələbatın davam etməsini əks etdirir, bunun üçün daxili bazara hələ də kifayət qədər daxilolma yoxdur”, - BCS World of Investments şirkətinin fond bazarı üzrə eksperti Dmitri Babin Gazeta.Ru-ya deyib.

Cümə günü iqtisadçı, RANEPA-nın Maliyyə və Bank işi kafedrasının professoru Yuri Yudenkov dekabrda rublun məzənnəsinin sabitləşəcəyini proqnozlaşdırıb. O, Rusiya valyutasının dollar və avroya nisbətdə hazırkı məzənnəsini əsasən spekulyativ adlandırıb və bir dolların 90-95 rubl məzənnəsini adekvat adlandırıb.

Bir gün əvvəl Rusiya Maliyyə Nazirliyi 2023-cü ilin sonuna qədər rublun məzənnəsinin bir dollar üçün 94,3 rubla kimi möhkəmlənəcəyini proqnozlaşdırmışdı.//Valyuta.az