Əfqanıstanda “Taliban” hakimiyyəti devirdikdən sonra insanlar ölkədən qaçmaq üçün ABŞ ordusuna məxsus 150 nəfərlik təyyarənin qanadlarından yapışdı. Həmin görüntülər bütün dünyada şok effekti yaratdı. Bunun ardınca isə sözügedən təyyarənin içərisindəki 640 əfqanın fotoşəkili paylaşıldı.  
Sozcu.info xəbər verir ki, sözügedən təyyarə Kabildən qalxmağı bacarıb. ABŞ rəsmiləri hadisəni təsdiqləsələr də, təyyarənin mülki vətəndaşları hara apardığı barədə məlumat verməyiblər. Bu gün həmin 640 nəfər arasında Əfqanıstan Mərkəzi Bankının sədri Ajmal Əhmədinin də olduğu məlum olub. O, “Twitter”də 18 maddə ilə ölkədən qaçma hekayəsini paylaşıb.