"Gürcüstan hökuməti Ukraynadakı hərbi əməliyyatlarla bağlı risklərdən yayınmağa borcludur".
Sozcu.info“Novosti-Georgia”ya istinadla xəbər verir ki, bunu müdafiə naziri Cuanşer Burçuladze deyib.
O qeyd edib ki, hökumət hər gün beynəlxalq institutlarla sanksiyalarla bağlı öz siyasətini müzakirə edir:
“Baş nazir və komandamızın bəyan etdiyi siyasət Gürcüstanın qayğısına qalmaqdır, diqqətimiz vətəndaşlarımıza və ölkəmizə yönəlib. Ölkəmizlə bağlı müşayiət oluna biləcək hər hansı riskdən yayınmağ borcluyuq. Sanksiyalara və nələrin baş verə biləcəyinə gəlincə, əlbəttə, beynəlxalq qurumlarla hər gün ölkəmizə nələrin təsir edə biləcəyini müzakirə və müvafiq qərar qəbul edirik”.
Eyni zamanda, Müdafiə Nazirliyinin rəhbəri qeyd edib ki, Ukraynaya humanitar yardımın göndərilməsini dövlət təşkil edir: “Bir təyyarə göndərilib, ikincisi hazırdır”.
Müdafiə naziri vurğulayıb ki, yaxın vaxtlarda təhlükəsizlik doktrinası üzərində iş başa çatdırılacaq və sənəd Təhlükəsizlik Şurasına təqdim olunacaq.