Rusiya Federasiyası Təhlükəsizlik Şurasının sədr müavini Dmitri Medvedev hesab edir ki, Cenevrə Konvensiyaları hazırda Ukrayna Silahlı Qüvvələrinin sıralarında döyüşən əcnəbilərə şamil edilmir.
Sozcu.info Publika.az-a istinadən xəbər verir ki, o, bu barədə Teleqram kanalında yazıb.
Medvedev Rusiya ordusuna qarşı döyüşən əcnəbiləri “əsl könüllü” hesab etmir və onları məhv etməyə səsləyib.
“Bizim üçün muzdlular qətiyyən könüllü deyillər. Onlar qanuni döyüşçü deyillər, Cenevrə Konvensiyaları onlara şamil edilmir. Əsl könüllülər Fransanın Normandiya-Neman alayı, Böyük Vətən müharibəsi zamanı Berlin əməliyyatında bizimlə birlikdə iştirak etmiş Polşa ordusunun birinci və ikinci orduları, 1945-ci ildə qırmızı ordu ilə çiyin-çiyinə vuruşan ilk Çexoslovakiya ordusu korpusudur. Buna görə də Ukraynada öz Bandera qüvvələri ilə birlikdə qoşunlarımıza təslim olmayan xarici muzdlular ilk növbədə denasifikasiyaya məruz qalırlar. Onlar öz əməllərinə görə tam cavab verməli olacaqlar. Təbii ki, sağ qalsalar” - Medvedev vurğulayıb.