Gürcüstanın sabiq prezidenti Mixail Saakaşvili Rustavinin 12-ci cəzaçəkmə müəssisəsindən Vivamed klinikasına köçürülüb. Klinikaya bitişik əraziyə Xüsusi Penitensiar Xidmətin maşınları səfərbər edilib, ərazi hər iki tərəfdən sarı lentlə hasarlanıb. 
Ailə üzvlərinin və "Vahid Milli Hərəkat" üzvlərinin bildirdiyinə görə, Gürcüstanın keçmiş prezidenti Mixail Saakaşvilinin səhhəti son vaxtlar kəskin şəkildə pisləşib və onun düzgün müalicəyə ehtiyacı var. Mixail Saakaşvilinin anası Giuli Alasania hesab edir ki, Mixail Saakaşvili müalicə üçün xaricə aparılmalıdır.
Hurriyyet.az