ABŞ-ın Milli Basketbol Assosiasiyasında (NBA) "Miluoki Baks" və "Boston Seltiks" komandaları arasında keçirilmiş pley-off oyunundan sonra baş verən iki silahlı hücum zamanı onlarla insan xəsarət alıb.
Bu barədə "Report" xarici mətbuata istinadən xəbər verir.
Miluoki Yanğınsöndürmə İdarəsinin verdiyi açıqlamaya görə, NBA-nın pley-off matçlarının keçirildiyi Miluoki şəhərində əyləncə məkanı qarşısında baş verən mübahisə silahlı insidentə çevrilib.
İlk hücumda 3 nəfərin yaralandığını açıqlayan səlahiyyətlilər, ikinci hücumdan sonra yaralı sayının 20-yə yüksəldiyini xəbər veriblər.
Hadisə ilə bağlı 29 yaşlı gənc saxlanılıb.
Daha əvvəl hadisə zamanı 1 nəfərin öldüyü bildirilirdi.