Hurriyyet.az xəbər verir ki, Avropa Parlamentinin deputatı Yatsek Sariuş Volski hazırda həbsdə və ağır xəstə olan eks-prezident Mixail Saakaşvilinin öləcəyi təqdirdə Gürcüstanın Avropa İttifaqına üzvlüyə qəbul edilməyəcəyini söyləyib.

Deputat deyib: “Gürcüstanın Avropa İttifaqına daxil olması birbaşa keçmiş prezident Mixail Saakaşvilinin işi ilə bağlıdır. Onun həbsxanada öləcəyi təqdirdə Tbilisi üzvlük barəsində unutmalı olacaq. Saakaşvilinin işi ilə Gürcüstanın Avropa İttifaqına daxil olması arasında paralellər fundamental əhəmiyyətə malikdir. Bunlar ayrılmazdır. Eks-prezident həbsxanada ölərsə, Avropa Parlamenti heç vaxt Gürcüstanın Avropa İttifaqına daxil olmasını dəstəkləməyəcək”.