Kahramanmaraşa səfər edən Türkiyə Prezidenti Rəcəb Tayyib Ərdoğanın sözlərinə görə, ölənlərin sayı 8574-ə yüksəlib, 49 133 nəfər xəsarət alıb. 6444 bina isə dağılıb.

***

Türkiyədə zəlzələdə ölənlərin sayı 5 894-ə çatıb, 34 810 nəfər yaralanıb.

Bunu Türkiyənin vitse-prezidenti Fuad Oktay bildirib.

***

Türkiyədə baş verən güclü zəlzələ nəticəsində həlak olanların sayı 5000-i ötüb.

“Qafqazinfo” xəbər verir ki, bu haqda ölkənin səhiyyə naziri Fahrettin Koca açıqlama yayıb.

O bildirib ki, hazırda ölənlərin sayı 5434 nəfərə, yaralıların sayı isə 31777 nəfərə çatıb.

***

Türkiyədə fevralın 6-da baş verən zəlzələ nəticəsində ölənlərin sayı 4 544-ə çatıb.

Bu barədə Fövqəladə Halların İdarə Olunması Agentliyi (AFAD) məlumat yayıb.

Təbii fəlakət nəticəsində 26 721 nəfər yaralanıb.

***

Türkiyədə fevralın 6-da baş verən zəlzələ nəticəsində ölənlərin sayı 3 703-ə çatıb.

Bu barədə Fövqəladə Halların İdarə Olunması Agentliyi (AFAD) məlumat yayıb.

Təbii fəlakət nəticəsində 22 286 nəfər yaralanıb.

***

Türkiyədə dəhşətli zəlzələ nəticəsində ölənlərin sayı 3432-yə çatıb.

Məlumata görə, yaralıların sayı da artaraq 21 103 olub.

***

Türkiyədə dəhşətli zəlzələ nəticəsində ölənlərin sayı artıb.

Bu barədə Türkiyənin vitse-prezidenti Fuad Oqtay məlumat yayıb.

Onun sözlərinə görə, zəlzələ nəticəsində ölənlərin sayı 3419-a çatıb. Yaralıların sayı isə 20 534-ə yüksəlib.

F.Oqtayın sözlərinə görə, dağıntılar altından 8 mindən çox insan xilas edilib.

Şəhərlər üzrə insan itkilərinin sayı isə belədir:
Kahramanmaraş – 530

Hatay – 872

Osmaniye – 293

Adıyaman – 720

Diyarbəkir – 92

Şanlıurfa – 95

Qaziantep – 481

Adana – 146

Malatya – 176

Elazığ - 2

***

Türkiyədə dəhşətli zəlzələ nəticəsində həlak olanların sayı 3 381-ə çatıb.

 Bu barədə AFAD rəsmisi Orhan Tatar bildirib.

Onun sözlərinə görə, yaralıların sayı 20 426-ya yüksəlib.

***

Türkiyənin Kahramanmaraş şəhərinin Pazarcık rayonunda 7,7 və Elbistan ərazisində baş verən 7,6 bal gücündə iki zəlzələ nəticəsində 2 921 nəfər həyatını itirib, 15 834 nəfər yaralanıb. Dağıntılar altından 7840 nəfər çıxarılıb.

Zəlzələlər Kahramanmaraş, Hatay, Osmaniye, Adıyaman, Qaziantep, Şanlıurfa, Diyarbəkir, Malatya, Kilis və Adanada ciddi dağıntılara səbəb olub.

Yeraltı təkanlar 6 217 binanı dağıdıb.

7,7 bal gücündə zəlzələdən sonra ən böyüyü 6,6 bal gücündə olmaqla 183 afterşoklar olub.

Zəlzələ baş verən ərazilərdə fövqəladə vəziyyət elan edilib, 4-cü səviyyəli həyəcan siqnalı verilib.

Bundan əvvəl 2 379 nəfərin həlak olduğu bildirilib.