1-05-2024, 15:56
30-04-2024, 14:08
18-04-2024, 19:45
1-04-2024, 15:01
16-03-2024, 14:33
Sozcu.info “Milliyet” qəzetinə istinadla xəbər verir ki, Türkiyənin Milli Kəşfiyyat Təşkilatı MİT ölkədə İsrail, Rusiya və İran kəşfiyyatı ilə bağlı casus şəbəkələrini aşkar edib.
Xəbərdə Mossadın 7 agentinin həbs edildiyi, bu casusların hamısının Yaxın Şərq ölkələrindən gəldiyi bildirilir. Həbs edilənlərin İsrailin xarici kəşfiyyatına xidmət elədiklərini etiraf elədikləri deyilir.
Türkiyə mətbuatının yazdığına görə, şəbəkəyə Tel-Əvivdə çalışan 24 yaşlı gənc rəhbərlik edirmiş. Agentlərin adları məxfi saxlanılan əcnəbi vətəndaşları izlədikləri, telefonlara Mossadın izləmə proqramlarını və avtomobillərə gizli GPS ötürücüləri yerləşdirdikləri bildirilir.
Qeyd edilir ki, əks-kəşfiyyatın əməkdaşları İstanbul polisinin antiterror şöbəsi ilə birlikdə bir neçə ay ərzində şübhəliləri izləyiblər. Agentlər öz aralarında Almaniyada, İspaniyada, Malayziyada və başqa ölkələrdə qeydiyyatdan keçirilmiş birdəfəlik telefonlarla əlaqə saxlayıblar.