Sozcu.info xəbər verir ki, İsrail Müdafiə Ordusunun – SAXAL-ın Baş qərargahının başçısı Hertsi Halevi İsrail hərbçilərinin ölkənin şimalında döyüşlərə tam hazır olduğunu bəyan edib.  Ordunun mətbuat xidmətinin məlumatına görə, general Livan tərəfdən müntəzəm atəşlər fonunda münaqişənin coğrafiyasının genişlənəcəyi mövzusunu səsləndirib. Baş qərargahın rəhbəri Şimal komandanlığı qərargahında hərbçilərlə görüşü zamanı deyib: “İstənilən zaman şimalda hücuma keçməyə hazırıq. Bunun baş verə biləcəyini başa düşürük, burada müdafiənin möhkəm olduğuna inanırıq”.