8-11-2024, 10:40
5-11-2024, 21:00
30-10-2024, 18:46
25-10-2024, 19:08
24-10-2024, 21:29
Gəncə Ağır Cinayətlər Məhkəməsində anasını bıçaqlayan oğulun məhkəməsi başlayır.
Sozcu.info "Ölkə.Az”a istinadən xəbər verir ki, cinayət məcəlləsinin 126.1-ci maddəsi ilə təqsirləndirilən Əsgərov Rauf Məhərrəm oğlunun məhkəmə prosesinə hakim Kəramət Əliyev sədrlik edəcək. Cinayət işində zərərçəkən qismində Yusubova Möhtəbər İslam qızı tanınıb. İttiham aktına görə, 1959-cu il təvəllüdlü Yusubova Möhtəbər İslam qızı öz oğlu tərəfindən bıçaqlanıb. Məlumata görə, hadisə mübahisə zəminində qeydə alınıb. Ana qonşuya qaçmaq istəsə də, oğlu onların evi yaxınlığında anasına çatıb və qadını qarın nahiyəsindən bıçaqlayıb. Yaralı xəstəxanaya yerləşdirilib. Hadisəni törədən 1998-ci il təvəllüdlü Əsgərov Rauf Məhərrəm oğlu isə Göygöl rayon Polis Şöbəsinə aparılıb. Məlum olub ki, sözügedən qadın bir neçə il əvvəl həyat yoldaşı tərəfindən də bıçaqlanıb. O, həmin vaxt Göygöl rayon xəstəxanasında müalicə olunub. Bu dəfə isə qadını böyük oğlu bıçaqlayıb. İlkin araşdırma zamanı müəyyən edilib ki, qadının iki oğlu var və onların hər ikisi spirtli içki aludəçisidir. Ailə başçısı rəhmətə getdikdən sonra onların dolanışıqlarında çətinliklər yaranıb və qadının hadisəni törədən oğlu da tez-tez anasından içki içmək üçün pul istəyirmiş. Bütün bunlardan təngə gələn ana növbəti belə bir hal yaşanan zaman oğlundan içkini tərgitməsini, hər dəfə ona verəcək pulunun olmadığını deyib. Lakin sərxoş halda olan oğul əsəbi şəkildə bıçağa əl ataraq onu vurub.
