Azərbaycanda iki partiya birləşib.
Sozcu.info xəbər verir ki, 22 yanvar 2022 il tarixində Dirçəliş və Tərəqqi Partiyasının onlayn qaydada qurultayı keçirilib.
Qurultayda partiyanın yeni sədrinin seçilməsi, nizamnamədə dəyişiklik və partiyanın adının dəyişdirilməsi muzakirə olunaraq səsə qoyulub.
Birləşmiş partiyanın sədri Ramil Hüseynov seçilib. Nizamnamədə dəyişikliklər qəbul olunub və partiyanın adının dəyişdirilməsi ilə bağlı məsələ də qəbul olunub. Ümumilikdə qurultay müvəffəqiyyətlə işini bitirib, seçkili orqanlara numayəndələr və Mərkəzi İdarəetmə Qurumu seçilib.
Bundan sonra 1992-ci ildə dövlət qeydiyyatına alınmış Azərbaycan Dirçəliş və Tərəqqi Partiyası ilə Yeni Yol Partiyası birləşib bir adla fəaliyyət göstərəcək.