YAP Xətai rayon təşkilatı oktyabarın 14-də ərazi ilk partiya təşkilatlarında hesabat-seçki yığıncaqlarına başlayıb. 
Sozcu.info  xəbər verir ki, rayon təşkilatının Yusif Səfərov 11, İzzət Orucov 21A və Fəzail Bayramov 10 ərazi ilk təşkilatlarında keçirilən toplantılarda hesabat məruzələri dinlənilib. Məruzələr ətrafında çıxışlar əsasında hesabat dövründə görülən işlər dəyərləndirilib.
YAP Xətai rayon təşkilatının sədri Vüqar Rəhimzadə yığıncaqlarda çıxış edərək ölkənin ictimai-siyasi həyatında aparıcı rol oynayan Yeni Azərbaycan Partiyasının Azərbaycanın davamlı uğurlarında rolundan ətraflı söhbət açıb. Bildirib ki, 44 günlük İkinci Qarabağ müharibəsində tarixi Zəfərimizin yaratdığı reallıqlar partiyanın VII qurultayının keçirilməsini bir zərurətə çevirdi. Qurlutayda yeni tərkib formalaşdı, qəbul olunan qərarlar partiyanın gələcək inkişaf strategiyasını müəyyən etdi. Qurultayda, həmçinin partiyanın yeni Nizamnaməsi və strukturu təsdiq edildi.
Hesabat seçki-yığıncaqlarında təşkilati məsələlərə baxılıb. Belə ki, Vidadi Xanlarov YAP Xətai rayon təşkilatının Yusif Səfərov 11 ərazi ilk partiya təşkilatının sədri, Zülfiyyə Qafarova sədr müavini, Aynurə Mahmudova İzzət Orucov 21 A ərazi ilk partiya təşkilatının sədri, Mətanət Əsgərova sədr müavini, Vəfa Qafurzadə Fəzail Bayramov 10 ərazi ilk partiya təşkilatının sədri, Dinarə Cəlilova sədr müavini seçiliblər.
YAP Xətai rayon təşkilatının sədri Vüqar Rəhimzadə yeni tərkiblərə fəaliyyətlərində uğurlar arzulayıb.