Sozcu.info “Vestnik Kavkaza” portalına istinadla xəbər verir ki, Gürcüstanın Baş naziri İrakli Qaribaşvili ilə hazırda Gürcüstanda səfərdə olan Azərbaycan Prezidenti İlham Əliyev görüş zamanı ticarət, nəqliyyat və energetika sahələrində birgə layihələri müzakirə ediblər.

Qaribaşvili deyib: “Gürcüstan Azərbaycan üçün mühüm ölkələrdən və dostlardan biridir. Azərbaycan da Gürcüstanın ən mühüm strateji tərəfdaşıdır”.

Dövlət başçıları artıq reallaşmış strateji layihələr, o cümlədən Bakı-Tbilisi-Ceyhan kəməri, Bakı-Tbilisi-Ərzurum qaz xətti, Bakı-Tbilisi-Qars dəmir yolu layihələri barəsində fikir mübadiləsi aparıblar. Qaribaşvili onları “tarixi layihələr” adlandırıb.