Gürcüstan azərbaycanlıları Azərbaycan Prezidenti İlham Əliyevə quru sərhədlərlə bağlı müraciət üçün peditsiya başladıb.

Prezident İlham Əliyevə müraciət olunaraq quru sərhədlərin açılması və ya sərhəddə alternativ giriş-çıxışı təmin olunması xahiş olunur.

Cənab Prezident

Sizə Gürcüstan azərbaycanlıları adından müraciət etməkdən çox məmunam. Sizə böyük ümidlə müraciət edirik ki, bizim problemlərimizi yalnız öz siyasətiniz və ağlınız prizmasından həll edəcəksiniz. Hazırda Azərbaycan regionda sülh və təhlükəsizliyin yaradılması, regionun iqtisadi və qüdrətli dövlətə çevrilməsi istiqamətində çox mühüm proseslərdən keçir. Biz sizin daxili və xarici siyasətinizi izləyirik və ümid edirik ki, bu məsələlər yaxın gələcəkdə öz həllini tapacaq və Sizin sayənizdə insanlar yenidən mehriban həyat sürməyə davam edəcəklər.

Sərhədlərinizin açılması ilə bağlı xoş münasibətinizi gözləyirdik. Sərhədlərin bağlı olması insanlara çox mənfi təsir edir və onlar sevdikləri ilə münasibət qura bilmirlər, işə çatmaqda çətinlik çəkirlər, işləyə bilmirlər. Hazırkı hava yollarının məşhur yüksək qiyməti minlərlə sosial rifahı çətin tapılan insanlar üçün əlçatmazdır. Xüsusən yaşli insanlar hava yollarından istifadə edə bilmir və onlara çox riskli və çətin olur. Quru sərhədlərin bağli olmasına görə bir çox insanlar Gürcüstan və Azərbaycanda tamamilə müdafiəsiz qalıb, yaxın qohumlarının dəstəyi ilə yaşayırlar. İnsanlar sevincli və kədərli gündə bir-biri ilə sevincini, kədərini bölüşə bilmir. Demək olar ki, xüsusən də yaxın qohumluq əlaqələri olan minlərlə insanın ailələrində bu problem yaşanır və onlar həll olunmamış qalırlar.

Qeyd olunan amilləri nəzərə alaraq, yaxın qohumları və ailə münasibətləri olan şəxslər üçün sərhədlərin açılmasının sürətləndirilməsini və ayrı-ayrı kateqoriyadan olan şəxslərin alternativ şəkildə sərhədi keçməsinə şərait yaradılmasını xahiş edirik. Təbii ki, mövcud vəziyyətə əsasən, siz öz imkanlarınız daxilində onu təşkil etməyin ən uyğun yolunu bilirsiniz. Bundan əvvəl kod sistemi var  idi və insanların sərhədi keçməsinə icazə verirdi. Gürcüstanda yaşayan azərbaycanlılar və Azərbaycanda yaşayan gürcülər, eləcə də Azərbaycanda yaşayan Gürcüstan azərbaycanlıları və Gürcüstanda yaşayan Azərbaycan vətəndaşları üçün bu alternativi yaratmağınızı xahiş edirik.

Alternativ giriş-çıxış imkanlarının yaradılması və quru sərhədi keçməmiz üçün güzəşt və imkanların yaradılması üçün aidiyyatı qurumlara göstəriş verməyinizi xahiş edirik.

Daim xalqın yanında olduğunuzu, onların səsinə qulaq asdığınızı, sosial şəbəkələrdəki prosesləri izlədiyinizi vurğulayırsınız və bu, bu ərizəni hazırlamaqda bizə xüsusi ilham verir. Odur ki, bu müjdəni verəcəyiniz günü böyük ümid və sevinclə ədalətinizə, insanlığınıza inanaraq tezliklə xüsusi addımlar atmanızı gözləyəcəyik.

Sevgi və hörmətlə

Gürcüstan azərbaycanlıları .