Rusiya rəsmisi Paşinyanın Azərbaycanın ərazi bütövlüyünü tanımasının Ermənistan üçün fəlakətli nəticələri olacağı ilə bağlı xəbərdarlıq edib

Hurriyyet.az xəbər verir ki, RF XİN mətbuat katibi Mariya Zaxarova “RİA Novosti” agentliyinə müsahibəsində deyib: “Moskvanın İrəvanın bu yaxınlardakı kəskin açıqlamalarına sərt reaksiya verməsinin səbəbi həmin açıqlamaların əsasında qeyri-dəqiqliyin, faktları dəyişdirmək cəhdinin olması, həqiqətin olmamasıdır. Rusiya Ermənistanın düşməni deyil və heç vaxt da olmayacaq”.

Rusiya bu qərarı günah hesab edir?

Zaxarova deyib: “Bakının Qarabağa hüququnun olmasını Rusiya yox, Ermənistan rəhbərliyi tanıyıb. Buna necə yanaşmaq lazım olduğu qərarını Ermənistan xalqı özü verməlidir. İrəvanda qəbul edilən qərarların günahını və məsuliyyətini Rusiyanın üzərinə qoymaq lazım deyil. Bu, Ermənistan üçün təhlükəli olan fəlakətli nəticələrə gətirə bilər”.