İl ərzində hava çirklənməsi ilə 954 müraciət qeydə alınıb.

Sozcu.info xəbər verir ki, bunu Ekologiya və Təbii Sərvətlər Nazirliyinin Milli Hidrometeorologiya Departamentinin direktoru Umayra Tağıyeva bildirib.
O qeyd edib ki, səyyar laboratoriya alınıb: "Bu il atmosferə 880 milyon ton tullantı atılıb.
Bunun 600 milyon tonu nəqliyyatın payına düşür. Hibrid avtomobillərin istehlakı hava çirklənməsinin qarşısını nisbətən ala bilər. Ən çox hava çirklənməsi Neftçilər prospekti, Dərnəgül dairəsi, Nobel prospekti, 20 yanvar, Lökbatan dairələri və b. ərazilərdə qeydə alınıb. Göstəricilərə görə, Lökbatan dairəsində hava daha çox çirklənib".
U. Tağıyev əlavə edib ki, havanın çirklənməsi fəsildən fəsilə dəyişir:
"Hava çirklənməsi göstəriciləri isti havada daha da yüksəlir".
Nazirlik rəsmisi həmçinin bildirib ki,cəza tədbirləri görülüb, lakin bu, kifayət deyil. İctmai qınaq hava çirklənməsinin qarşısının alınmasında mühüm rol oynayır.