“Əmək pensiyaları haqqında” qanunun 29.2 maddəsi artımı diqtə edir
Ölkə üzrə bütün sahələrdə 2022-ci ilin yanvarından əmək haqqı məbləğlərinin 20 faiz artırılmasının qərara alınması pensiyaçı hərbi qulluqçulardan bir çoxunda artımın pensiyaçılara şamil edilməyəcəyi şübhəsi yaradıb.
Xatırladırıq ki, hərbi qulluqçuların pensiya təminatı “Əmək pensiyaları haqqında” qanunla tənzimlənir və digər dövlət qulluqçuları kimi 20-ci maddə ilə doğrulanan qulluq stajına uyğun pensiya ilə təmin olunurlar. Hazırda hərbi pensiyaçıları narahat edən odur ki, hərbi qurumlardakı əmək haqqı -təminat xərcliyi artımı pensiyalara tətbiq edilməyəcək. Tam əminliklə deyə bilərik ki, narahatçılığa heç bir əsas yoxdur, 20 faiz artım pensiyalarda əks olunacaq. Bunu “Əmək pensiyaları haqqında” qanunun 29.2 maddəsi diqtə edir :”BU QANUNUN 20-Cİ MADDƏSİNDƏ nəzərdə tutulmuş şəxslərin TUTMUŞ OLDUQLARI VƏZİFƏLƏR ÜZRƏ AYLIQ ƏMƏKHAQQI  (əməkhaqqı, dövlət məvacibi, təminatxərcliyi) SONRADAN ARTIRILDIQDA , BU ARTIMLAR NƏZƏRƏ ALINMAQLA , qulluq stajına görə ƏMƏK  PENSİYASINA ƏLAVƏLƏR YENİDƏN HESABLANIR”.
Qanun artımı elə dəqiqliklə doğrulayıb ki, fikrimizcə, əlavə şərhə ehtiyac yoxdur. Sadəcə, hərbi qurumların maliyyə xidmətlərinin artımı hesablayıb DSMF-ə göndərməsini gözləmək qalır.