Beyləqan şəhərində aparılan abadlıq və infrastruktur layihələri çərçivəsində yol təsərrüfatının yenilənməsi istiqamətində növbəti tədbirlər həyata keçirilib. Regionların sosial-iqtisadi inkişafına yönəlmiş dövlət siyasəti nəticəsində ölkənin bütün bölgələrində olduğu kimi, Beyləqan rayonunda da abadlıq və quruculuq işləri ardıcıl şəkildə davam etdirilir.

Bu istiqamətdə İlham Əliyev tərəfindən müəyyən edilmiş inkişaf strategiyasına uyğun olaraq rayon ərazisində yol infrastrukturu yenilənir, yaşayış məntəqələrində sakinlərin rahatlığını təmin edən layihələr icra olunur.

Son günlərdə həyata keçirilən tədbirlər çərçivəsində şəhərin M.Ə.Rəsulzadə küçəsi ərazisində yerləşən yaşayış binasının ətrafında asfaltlanma işləri aparılıb. İşlər Beyləqan Rayon İcra Hakimiyyəti tərəfindən həyata keçirilib. Görülən işlər zamanı ərazidə yeni asfalt örtüyü salınıb, mövcud yol infrastrukturu yenilənərək sakinlərin istifadəsinə verilib.

Aparılan abadlıq tədbirləri nəticəsində yaşayış binalarının ətrafında gediş-gəliş daha rahat və təhlükəsiz olub. Eyni zamanda ərazinin ümumi görünüşü yaxşılaşdırılıb, gündəlik hərəkət üçün əlverişli şərait yaradılıb.

Qeyd edək ki, rayon ərazisində yol və infrastruktur layihələrinin mərhələli şəkildə davam etdirilməsi nəzərdə tutulur. Həyata keçirilən bu kimi tədbirlər həm şəhərin abadlaşdırılmasına, həm də sakinlərin sosial rifahının yüksəldilməsinə xidmət edir.

Sozcu.info