“Koronavirusun daha təhlükəli ştammları yarana və yayıla bilər”.
Sozcu.info xəbər verir ki, bu haqda məlumat Ümumdünya Səhiyyə Təşkilatının (ÜST) Fövqəladə Komitəsinin bəyanatında yer alıb.
Bəyanatda milli, regional və qlobal səylərə baxmayaraq, pandemiyanın hələ də başa çatmadığı qeyd edilib.
"Pandemiya inkişaf etməyə davam edir və qlobal olaraq narahatlıq doğuran 4 variant üstünlük təşkil edir".
Həmçinin, komitə yeni və daha təhlükəli ştammların yarana və dünya üzrə yayıla biləcəyi ilə bağlı yüksək ehtimalların olduğunu qəbul edib. Qeyd olunur ki, bu ştammlara nəzarət etmək də çətin olacaq.