Əməkdar artist Nahidə Orucova gənc aktyorlardan gileylənib.
Sozcu.info xəbər verir ki, aktrisa MTV-yə açıqlamasında gənclərin sənət yox, pul düşündüklərini deyib:
"Hər zaman demişəm, elə gənc aktyorlar var ki, kənardan bizə baxıb deyir siz nə etmisiz? Biz gəldiyimiz sənət yolundan danışanda bizə qəribə baxırlar. Cavan aktyorlar başqadır. Onlar sənət yolunu, sənəti fikirləşmirlər. Onlar maddiyatı, qazancı düşünürlər. Deyirlər, görək hardan qazanırıq. Biz düşünürdük ki, tamaşaçının qəlbinə yol tapaq. Pulla yox, məhəbbətlə onların sevgisini qazanaq".