Ermənistan Müdafiə Nazirliyi avqustun 19-da hərbi bazada 3 erməni hərbçinin cəsədinin tapılması işi ilə bağlı yeni təfərrüatlar açıqlayıb.
Sozcu.info "Armenpress"ə istinadla xəbər verir ki, hadisənin şərtlərinin tam açıqlanması üçün lazımi tədbirlər görülür.
"Buna baxmayaraq, ən azından hazırda mövcud olan ilkin məlumata görə, baş verənlərin Azərbaycanla heç bir əlaqəsi yoxdur. Yeni məlumat əldə edən kimi Müdafiə Nazirliyi müvafiq mesajları dərc edəcək".
Xatırladaq ki, avqustun 19-da, saat 02:15 radələrində, Ermənistan silahlı qüvvələrinin cənub-şərq istiqamətində (Sünik əyaləti) yerləşən N saylı hərbi hissəsinin 3 əsgəri Murad Muradyan, Levon Arutyunyanın və Qor Saakyanın cəsədləri tapılıb.
Hər üçü güllə yarası alıb.