Ermənistan Müdafiə Nazirliyi Naxçıvanla Ermənistan sərhədində baş verən atışmadan ölən hərbçilərinin adını açıqlayıb.
Sozcu.info “Sputnik Armenia”ya istinadla xəbər verir ki, atışmada ölən erməni hərbçinin müddətdən artıq xidmət edən 1983-cü il təvəllüdlü Samvel Alaverdyandır.
Qeyd edək ki, bu gün Azərbaycan Müdafiə Nazirliyi məlumat yayaraq bildirib ki, iyulun 14-ü saat 10.00 radələrində Ermənistan silahlı qüvvələrinin bölmələri Ermənistan-Azərbaycan dövlət sərhədinin Naxçıvan Muxtar Respublikasının Sədərək rayonu istiqamətində yerləşən Azərbaycan Ordusunun mövqelərini müxtəlif çaplı silahlardan atəşə tutub. Nəticədə Azərbaycan Ordusunun hərbi qulluqçusu Mərdanlı İbadulla Məhsud oğlu yaralanıb. Yaralıya ilkin tibbi yardım göstərilib və o, tibb müəssisəsinə təxliyə olunub. Cavab atəşi ilə düşmən susdurulub. Hazırda bu istiqamətdə vəziyyət sabitdir, əməliyyat şəraiti bölmələrimizin nəzarəti altındadır.
Ermənistan tərəfi isə həmin atışmada bir hərbçilərinin öldüyünü bildirib.