İran Azərbaycandan üzr istəmək əvəzinə, təhdidə keçib. İran dini lideri Ayətullah Xameneyinin nümayəndəsi, Ərdəbil şəhərinin imamcüməsi ayətullah Seyid Həsən Amili öz cümə xütbəsində Azərbaycana “şirin quyruğu ilə oynamamağı” məsləhət görüb. Şir deyəndə Amili İranı nəzərdə tutub. İran bunun üstündən bir də əzələ nümayiş etdirir Azərbaycana. Azərbaycanla sərhəddə hərbi təlimlərə başlayıb. Bu məqsədlə də SEPAH qüvvələri Arazın o tayında hərbi təlim keçirməyə hazırlaşır. Açıq şəkildə Azərbaycanı təhdid edirlər. İranı bu qədər qızdıran, Azərbaycan əleyhinə açıq-aşkar fəaliyyət göstərməyə vadar edən nədir?

Türkiyə prezidenti Paşinyanın onunla görüşmək istəyinin mümkün ola biləcəyinin yolunu göstərib. Ərdoğan deyib ki, Ermənistan Zəngəzur dəhlizinin açılmasına mane olmasa, Türkiyə onunla siyasi-diplomatik münasibətləri bərpa edər.

Rusiyanın Xəzər donanmasının iki hərbi gəmisi - “Astraxan” və “Anatoliy Qujvin” isə qeyri-rəsmi dostluq səfəri ilə Bakıya gəlib. Səfər sentyabrın 20-də qədər davam edəcək. Dostluq səfəri təşkil edib, üstümüzə hərbi gəmilər göndərir, Bakı da rusları “Mehtər marşı” ilə qarşıladı.

Bu gün TVMusavat-ın 16:15-də canlı efirində polkovnik Üzeyir Cəfərovla İran və Rusiyadan təhdidləri müzakirə edəcəyik. Həmçinin, Gorus-Qafan yolunda qurduğumuz post, qırıcı təyyarələrin Türkiyə festivalı, sülhməramlıların yeni komandanı Kosobokov, KTMT-yə sədrliyin Ermənistana keçməsi və digər mövzular müzakirə masamızdadır.

Müzakirədə tamaşaçılarımız da iştirak edə bilər.
Facebook səhifəsinin ünvanı:
https://www.facebook.com/NewMusavat/

Youtube səhifəsinin ünvanı: