Sosial şəbəkələrdə Balakəndə avtomobilin hərəkətdə olarkən aşmasını özündə əks etdirən videogörüntülər paylaşılıb.
DİN-in Mətbuat Xidmətinin Şəki regional qrupunun baş inspektoru, polis baş leytenantı Mahir Məsimov Sozcu.info -ya bildirib ki, Balakən şəhəri Heydər Əliyev prospektində hərəkətdə olan “Opel” markalı avtomobilin sürücüsü, rayon sakini Cavid Həsənov səhhətində yaranan problemlə əlaqədar anidən idarəetməni itirib və nəticədə nəqliyyat vasitəsi aşıb. 
Hadisə zamanı xəsarət alan olmasa da, ətrafdakı avtomobillərə ziyan dəyib. Sürücüyə isə ilkin tibbi yardım göstərilib və barəsində İnzibati Xətalar Məcəlləsinin müvafiq maddəsi ilə protokol tərtib olunub.
İlhamə Əbülfət
15:28
Balakəndə baş verən yol nəqliyyat hadisəsinin dəhşətli görüntüləri yayılıb.
Sozcu.info xəbər verir ki, video sosial şəbəkədə paylaşılıb.
Paylaşımda qeyd edilən məlumata görə, hadisə Balakəndə Heydər Əliyev prospektində sentyabrın 11-də baş verib.
Belə ki, prospekti ilə irəliləyən avtomobilinin sürücüsü qəfildən idarəetməni itirərək yolun kənarındakı avtomobillərə çırpılıb və aşıb. Qəza nəticəsində bir neçə avtomobilə ciddi ziyan dəyib. 
İddia edilir ki, qəza sürücünün səhhətində yaranan problem üzündən baş verib.