Parlamentin rəhbərliyi dəyişəndən bugünədək 103 nazir, icra başçısı və məmur övladı Milli Məclis aparatından qovulub.
Bu barədə Sozcu.info-a Milli Məclisdəki özəl mənbədən məlumat verilib.
Bildirilir ki, hətta buna görə parlamentin spikeri Sahibə Qafarovaya təzyiq göstərilib. Lakin o, məmur övladlarına güzəşt etməyib.
Musavat.com olaraq bu addımı təqdir edir və xatırladırıq ki, Sahibə Qafarova ötən gün parlamentin iclasında dövlətdən əlavə imtiyazlar əldə etmək istəyən deputat Tahir Kərimliyə sərt reaksiya verib.
Belə ki, Tahir Kərimli çıxışında parlamentin avtoparkının yenilənməsini, Milli Məclisin işçiləri üçün yaşayış binasının tikilməsini və onlara daha yaxşı maşınlar verilməsini təklif edib.
Spiker isə Zəfər ili olduğunu, dövlətin əsas diqqəti qaçqın və məcburi köçkünlərin Qarabağa yerləşdirilməsi məsələsinə yönəltdiyini xüsusi vurğulayıb.