ABŞ-ın Avropada Təhlükəsizlik və Əməkdaşlıq Komissiyası Co Bayden administrasiyasını Rusiyanın İnterpoldan kənarlaşdırılmasına təkan verməyə çağırıb.
Bu barədə CNN dövlət katibi Entoni Blinken və baş prokuror Merrik Qarlanda göndərilən məktuba istinadən məlumat yayıb.
Məktubda deyilir ki, Bayden administrasiyası Rusiyanın İnterpola üzvlüyünün dayandırılmasını tələb etməlidir.
Qeyd edək ki, ABŞ-ın Avropada Təhlükəsizlik və Əməkdaşlıq Komissiyası ABŞ Konqresi tərəfindən yaradılmış və Nümayəndələr Palatasının və Senatın bir sıra üzvlərinin daxil olduğu qurumdur.