Azərbaycan Dövlət Akademik Milli Dram Teatrının (“AzDrama”) aktrisası, Əməkdar artist Mehriban Xanlarovanın işdən çıxmaqla bağlı ərizəsi qəbul olunub.

Sozcu.info xəbər verir ki, bu barədə aktrisa sosial media hesabında paylaşım edib.

O bildirib ki, “AzDrama”nın direktoru İlham Əsgərov ərizəsinin üstünü yazıb: “Onun imzaladığı əmrlə rəsmi şəkildə işdən çıxarılmışam”.

Əməkdar artist bir neçə gün əvvəl işdən çıxmaqla bağlı ərizə yazmışdı.  

Qeyd edək ki, 58 yaşlı M.Xanlarova 1998-ci ildən Akademik Dövlət Milli Dram Teatrında çalışırdı. O, SSRİ Xalq artisti, müğənni Zeynəb Xanlarovanın qardaşı qızıdır.