Əvvəlki Sonrakı

İlham Əliyevdən Şuşa ilə bağlı paylaşım - VİDEO

8-11-2024, 10:40

Gürcüstanda bəzi məntəqələrdə seçkilərin nəticələri ləğv edilib

5-11-2024, 21:00

Hizbullahın yeni lideri ilk müraciətini yaydı - Mübarizə sözü verdi

30-10-2024, 18:46

"Türkiyə terror hücumlarının hansı məqsədlə həyata keçirildiyini bilir" - Ərdoğan

25-10-2024, 19:08

Putin Kiyevin Ərdoğanın sülh danışıqları təklifindən imtina etdiyini açıqlayıb

24-10-2024, 21:29

İmran Ağayevin MƏHKƏMƏSİNDƏ - "Gecə oğluma zəng edib dedim ki, mən burada qala bilmərəm"

Bakı Ağır Cinayətlər Məhkəməsində Fövqəladə Hallar Nazirliyinin (FHN) Tibb Xidmətinin Modul Tipli Hospitalının baş həkimi İmran Ağayev, müəssisənin vəzifəli şəxsləri olan Rüfət Vəlizadə, Taleh İmanlı və Qulu Orucovun cinayət işi üzrə məhkəmə prosesi keçirilib.

Hakim Faiq Qəniyevin sədrliyi ilə keçirilən iclasda şahid qismində ifadə verən Zaməddin Məmmədov bildirib ki, xəstəxanaya yerləşdirilmək üçün pul verməyib.

"Xəstəxana ilə oğlum Məmməd və Ruslan danışdı. Öz maşınımla Zığda yerləşən xəstəxanaya getdim. 1 saat gözlədik, sonra xəstəxanaya daxil olduq. Eni 2 metr olan balaca bir otaq idi. 4 nəfər var idi. Ordakı şərait və mövcud vəziyyətdən belə qənaətə gəldim ki, burda xəstə olmayan da xəstələnər. Cəmi bir gecə qaldım orada. Yeməkləri də xoşuma gəlmədi. Gecə oğluma zəng edib dedim ki, mən burada qala bilmərəm, məni başqa xəstəxanaya - "Yeni Klinika"ya köçürt. Ümumiyyətlə, xəstəxanadan məndən heç bir pul istənilməyib", - deyə şahid bildirib.

Dövlət ittihamçısı şahidin istintaqa verdiyi ifadəsi ilə hazırkı ifadəsi arasında ziddiyyətlərin olduğunu bildirib. İclasda şahidin əvvəlki ifadəsi elan olunub.

Təqsirləndirilən şəxs İmran Ağayev deyib ki, əgər xəstə xəstəxanadan çıxarılmasını istəyirsə, yaxınlarının vasitəsilə müraciət edilib çıxarıla bilər.

Z.Məmmədov müstəntiqə verdiyi ifadəsində deyib ki, xəstəxanaya gedəndə hospitala normal palataya köçürülməsi üçün ondan 3 min pul istənilib.

Şahid bildirib ki, istintaqda qeyd olunan ifadəni onun adından yazıblar, o, sadəcə qol çəkib.

Vəkillər isə bununla bağlı müstəntiq Nicat Şahverdiyevin şahid qismində məhkəməyə çağırılmasını tələb edərək vəsatət qaldırıblar. Hakim ifadələrdən sonra vəsatəti gündəmə gətirəcəyini deyib.

Digər şahid Emin İsgəndərov isə deyib ki, dostunun anasının xəstəxanaya yerləşdirilməsində vasitəçilik edib: "Mən Zığdakı xəstəxanada qarajın müavini olmuşam. Dostumun anası karonavirusa yoluxmuşdu. Məndən xahiş etdi ki, xəstəxanaya yerləşdirməkdə kömək edim. Rüfət Vəlizadə vasitəsilə xəstəxanaya yerləşdirdik.1000 manat istədilər. 100 manat da mənə verdi".

Proses dekabrın 20-nə təyin edilib.

Qeyd edək ki, istintaq zamanı İmran Ağayevin həmin vəzifədə işləyərkən müəssisənin vəzifəli şəxsləri olan Rüfət Vəlizadə, Taleh İmanlı və Qulu Orucov ilə qabaqcadan əlbir olaraq hospitalın “VİP korpus”larına yerləşdirilərək daha yüksək səviyyəli tibbi və sair təminatla təchiz edilməsi müqabilində 6 nəfər şəxsdən ümumilikdə 10 min 500 manat pul vəsaitini almasına, həmçinin yenidən əmək müqaviləsinin bağlanması yolu ilə həmin müəssisədə fəaliyyətlərini davam etdirmələrinə görə hospitalın ayrı-ayrı əməkdaşlarından cəmi 5 min manat məbləğində pul vəsaitini rüşvət qismində istəməsinə əsaslı şübhələr müəyyən edilib.

İmran Ağayevin fasiləsiz şəkildə müəssisəyə qəbul olunmalarına dair görüntü yaratmaqla COVID-19 pandemiyasından əziyyət çəkən 140 nəfər xəstənin özünün təsisçisi və direktoru olduğu “Medi Style” MMC-nə məxsus Təcili Tibbi Yardım avtomobilləri vasitəsi ilə Modul Tipli Hospitala aparılması müqabilində həmin şəxslərdən xidmət haqqı qismində ümumilikdə cəmi 51 min 600 manat məbləğdə pul vəsaitini almasına əsaslı şübhələr müəyyən edilib.

Həmçinin, İmran Ağayevin müxtəlif tarixlərdə verdiyi COVID-19 test nəticəsi pozitiv çıxmış Rüfət Vəlizadənin (müəssisənin vəzifəli şəxsi) mütəmadi olaraq sərbəst şəkildə tibb müəssisəsinin inzibati binasını tərk edərək sərbəst şəraitdə hərəkət etməsinə şərait yaratmasına, həmin hərəkətləri ilə epidemiya əleyhinə, sanitariya-gigiyena və karantin rejimi qaydalarını pozaraq xəstəliyin yayılması ilə bağlı ağır nəticələrə səbəb olan real təhlükə yaratmasına əsaslı şübhələr müəyyən edilib.İş üzrə toplanan sübutlar əsasında

İmran Ağayev və digərlərinə müvafiq olaraq Cinayət Məcəlləsinin 139-1.2 (epidemiya əleyhinə rejimin, sanitariya-gigiyena və ya karantin rejimlərinin pozulması ağır nəticələrə səbəb olduqda), 308.2 (vəzifə səlahiyyətlərindən sui-istifadə etmə ağır nəticələrə səbəb olduqda), 311.3.1, 311.3.2 (rüşvət alma qabaqcadan əlbir olan bir qrup şəxs tərəfindən təkrar törədildikdə) maddələri ilə yekun ittiham elan edilib


Oxşar Xəbərlər

İmran Ağayev və adamlarının işi -
Baş həkim İmran Ağayev və həmkarları 67 min mənimsəyib
ƏMƏLİYYATIN GÖRÜNTÜLƏRİ YAYILDI
BİR MUZEYİN TƏMİRİNƏ 31 MİLYON "SİLİNİB"...

Xəbər lenti

PRİZMA

Yeni Azərbaycan Partiyası: Tarixi gerçəklikdən milli ideala doğru
Yeni Azərbaycan Partiyası: Tarixi gerçəklikdən milli ideala doğru

MÜSAHİBƏ

TƏHLİL

Qarabağın qədim mədəniyyət mərkəzindən Qafqazın Xirosimasınadək
Qarabağın qədim mədəniyyət mərkəzindən Qafqazın Xirosimasınadək

SOSİAL