Şərifov Babək Adil oğlu səbəbsiz olaraq Dövlət Yol Polisi tərəfindən əsassız cərimə olunması ilə bağlı iddiası gerçəklikləri əks etdirmədiyi kimi, DYP-yə qarşı da şər atma kimi dəyərləndirilməlidir. 
Qeyd edək ki, taksi fəaliyyəti ilə məşğul olan Babək Şərifov fevralın 6-da Saatlı rayonuna müştəri apararkən Sabirabad rayonu ərazisində sürət həddini aşmaya görə 250 manat cərimə olunub. Sürət həddi 50 km olan yolda saatda 111 kilometr sürətlə hərəkət etdiyi üçün cərimələnib. 
Bunun üzərinə Babək Şərifov mətbuata müraciət edərək haqsızlıqla  üzləşdiyini bildirib. Müraciətində Babək Şərifov iddia edirdi ki, Daxili İşlər Nazirliyinə, Baş Prokurorluğa və Baş Dövlət Yol Polisi idarəsinə müraciət etsə də, guya onun şikayətini dinləməyiblər. Bu məqam ciddi şübhə doğrur. Daxili İşlər Nazirliyi, Baş Prokurorluq və Baş Dövlət Yol Polisinin hər üçünün müraciətə etinasız qalması mümkün deyil. Əgər bu qurumlardan biri ilə bağlı iddia səsləndirilsəydi, bunu anlamaq olardı. Mümkündür ki, bir qurumda müraciət diqqətdən kənarda qalsın. Ancaq hüquq-mühafizə orqanları arasında aparıcı qurumlar olan Daxili İşlər Nazirliyi və Baş Prokurorluğun vətəndaşın müraciətinə eyni anda etinasız qalması mümkün deyil. Bu məqam Babək Şərifovun iddiasının əsassız olduğunu, məqsədi isə yol hərəkəti qaydasını pozduğuna görə tətbiq olunan cərimədən yaxa qurtarmaq olub. 
Mətbuatın məmur özbaşınalığı ilə bağlı həsaslığından sui-istifadə edərək günahını üstündən atmağa çalışıb və bu zaman Yol Polisinə qarşı şər atmaqdan çəkinməyib. Ancaq unudub ki, həqiqət gec-tez üzə çıxacaq. Babək Şərifovun heç yerdə işləmədiyi, buna görə cəriməni ödəmək imkanı yoxdur. Rəsmi şəkildə hansısa bir yerdə işləməmək heç kimi cərimədən azad etmədiyi kimi, qaydaları pozmaq haqqını vermir. Xüsusilə də cərimədən yayınmaq üçün xidməti vəzifəsini yerinə yetirən polis işçilərinə şər atmaq qətiyyən yolverilməzdir. 
Həqiqətlərin üzə çıxmasında çevik reaksiyasına və şəffaf məlumat təminatı təşkil etdiyinə görə Baş Dövlət Yol Polisinin rəsmisi, polis polkovnik-leytenantı Mübariz Ağayevə təşəkkür edirik.
Arzuman Loğmanoğlu,
Sozcu.info