Türkiyənin ATV kanalında məşhur aparıcı Müge Anlının təqdimatı ilə yayımlanan verilişdə dəhşətli cinayətin təfərrüatı üzə çıxıb.

Sozcu.info xəbər verir ki, verilişdə 11 gündür axtarışda olan şəxsin meyiti tapılıb.

Məlumata görə, Mustafa Hakkulunun meyiti ötən gün tapılıb. Mustafa Hakkulunun ən yaxın dostu tərəfindən öldürüldüyü məlum olub. Hadisəni törədən İsa Dumlu canlı efirdə cinayəti boynuna götürüb. 

"Həyat yoldaşıma söz atdı, mən də öldürüb, meyitini körpüdən atdım", - deyə İsa Dumlu bildirib. 

Mustafa Hakkulunun bacısı canlı yayımda ağlayaraq huşunu itirib. İsa Dumlu dərhal İstanbul Asayiş Şöbə Müdirliyinə bağlı qruplar tərəfindən saxlanılıb.