Məhkəmə Biləsuvarda aksiya zamanı saxlanılanlar barədə qərar verdi

Dünən Biləsuvar rayonunda su problemi ilə əlaqədar rayon icra hakimiyyətinin yerləşdiyi küçəni bağlamağa cəhd edən şəxslərə cəza verilib.
Sozcu.info “qafqazinfo”ya istinadla xəbər verir ki, məhkəməni qərarı ilə İsmayıl Məmmədov İnzibati Xətalar Məcəlləsinin 513-cü (Toplantıların təşkili və keçirilməsi qaydasının pozulması), 535-ci (Polis işçisinin və ya hərbi qulluqçunun qanuni tələbinə qəsdən tabe olmama), Cəmaləddin Əliyev 535-ci maddələri ilə təqsirli bilinərək hər biri barəsində 15 sutka inzibati həbs tənbeh tədbiri tətbiq olunub.
Digər iki nəfər isə 510-cu (Xırda xuliqanlıq) maddə ilə 50 manat miqdarında cərimə olunub.
Qeyd edək ki, rayonunun Yuxarı Cürəli və Təzəkənd kəndlərinin bir qrup sakini Rayon İcra Hakimiyyətinin yerləşdiyi küçəni bağlamağa cəhd edərək nəqliyyatın hərəkətinə maneə yaradıblar.
Polis əməkdaşları tərəfindən edilən xəbərdarlıqlara riayət etməyən və ictimai qaydanı pozan bir neçə şəxs polis şöbəsinə gətirilib.
Aksiya zamanı 4 nəfər saxlanılıb, onlar barəsində toplanan materiallar Biləsuvar rayon məhkəməsinə göndərilib.


Oxşar Xəbərlər

Xəbər lenti


{sape_links}{sape_article}