Rusiyanın Moskva vilayətində yerləşən “Crocus City Hall”a hücumda şübhəli bilinən iki nəfər Bryansk vilayətində ələ keçirilib. Sozcu.info xəbər  verir ki, bu barədə “Baza” “Telegram” kanalı öz mənbələrinə istinadla xəbər yayıb.

Bildirilir ki, cinayətkarların olduğu güman edilən avtomobil Belarus və Ukrayna ilə sərhəddən bir neçə kilometr aralıda – Tyoplıy kəndi yaxınlığında saxlanılıb.

İlkin məlumatlara görə, avtomobildə altı nəfər olub: Onlardan dördü qaça bilib. Qaçan şəxslərin kimliyi məlum olub.

Bunların:

Məhmədrəsul Nəsridinov – 37 yaş;

Rivojidin İsmonov – 51 yaş;

Şoxinjon Safolzoda – 21 yaş;

Rüstəm Nəzərov – 29 yaş olduğu bildirilir. Onların hamısının Tacikistan vətəndaşları olduğu deyilir.

Hazırda onların terror aktında iştirakları yoxlanılır.

Qaçan dörd nəfərin axtarışına başlanılıb.