Əvvəlki Sonrakı

Mirmahmud Mirəlioğlunun nəvəsi parkda ölübmüş...

Dünən, 11:11

Türkiyə bu müdafiə sistemini Rusiyaya geri qaytarır

Dünən, 01:05

Zabitlərin dinc dövrdə həqiqi hərbi xidmət müddəti 6 ay azaldılır

25-11-2025, 15:01

Qəzaya düşən təyyarədəki hərbçilərin sayı bilindi

11-11-2025, 20:04

Saxlanılan icra başçısının köməkçisi DANIŞDI

31-10-2025, 14:12

"Atəşkəsin pozulmasının əsas səbəbi..." - Azərbaycan Prezident Administrasiyasından daha bir açıqlama

 

Düşənbədə MDB-nin zirvə toplantısı çərçivəsində Prezident İlham Əliyev ilə Ermənistanın baş naziri Nikol Paşinyan arasında söhbət olub.

Bunu Trend-ə müsahibəsində Azərbaycan Prezident Administrasiyasının xarici siyasət şöbəsinin müdir müavini Hikmət Hacıyev deyib.

H.Hacıyev bildirib ki, söhbət Ermənistan baş nazirinin təşəbbüsü ilə baş tutub: "Bu, bir daha onu göstərir ki, danışıqlar prosesinin formatı dəyişilməz qalır və münaqişə tərəfləri olaraq danışıqlar məhz Ermənistan və Azərbaycan arasında aparılır. Onu da əlavə etmək istərdim ki, eyni format çərçivəsində Ermənistan və Azərbaycan xarici işlər nazirlərinin 26 sentyabr tarixində Nyu-Yorkda BMT Baş Assambleyası çərçivəsində, bu ilin iyulunda isə Brüsseldə görüşü keçirilmişdi. Biz bunu müsbət qarşılayırıq və Azərbaycan tərəfi Ermənistan-Azərbaycan münaqişənin həllinə xidmət edən konstruktiv danışıqlara və təmaslara həmişə hazırdır. Bu Azərbaycanın mövcud format əsasında danışıqlar prosesinə sadiqliyini növbəti dəfə nümayiş etdirir".

H.Hacıyev həmçinin Ermənistan-Azərbaycan sərhədi və qoşunların təmas xəttində atəşkəs rejiminin möhkəmləndirilməsi məsələsini şərh edib:

"Azərbaycan tərəfi dəfələrlə bəyan edib ki, atəşkəsin pozulmasının əsas səbəbi Ermənistan qoşunlarının Azərbaycanın işğal olunmuş ərazilərində qeyri-qanuni mövcudluğu və hərbi işğal faktının davam etməsidir. Bu əsnada həmişə də atəşkəs rejiminin pozulmasının və vəziyyətin gərginləşdirilməsinin səbəbkarı Ermənistan tərəfi olmuşdur. 2014-cü ilin noyabrında dövlət başçılarının Parisdə keçirilmiş görüşündən sonra Ermənistan silahlı qüvvələrinin Azərbaycanın işğal olunmuş ərazilərində keçirdiyi genişmiqyaslı hərbi təlimləri və məlum helikopter insidentinin baş verməsinin təhrik edilməsini, həmçinin, 2016-cı ilin aprelində Ermənistan silahlı qüvvələrinin qoşunların təmas xətti boyunca sıx şəkildə yaşayan mülki Azərbaycan əhalisini ağır silahlardan atəşə tutmasını və vəziyyətin qəsdən gərginləşdirilməsini xatırlatmaq istərdim. Odur ki, BMT Təhlükəsizlik Şurasının müvafiq qətnamələrinin tələblərinə uyğun olaraq, Ermənistan qoşunlarının Azərbaycanın işğal olunmuş ərazilərindən çıxarılması ilə nəinki hərbi risk amili aradan qalxmış olar, heç atəşkəs rejiminə ehtiyac belə qalmaz və münaqişənin siyasi həlli üçün hərtərəfli imkanlar açılmış olar.

Bununla da regionda dayanıqlı sülh, sabitlik və təhlükəsizlik təmin olunmuş olar".


Oxşar Xəbərlər

Azərbaycan və Ermənistan xarici işlər nazirləri görüşə bilərlər
Bu gün axşam Azərbaycan və Ermənistan XİN başçıları arasında görüş keçiriləcək
DÖRD SAATLIQ QARABAĞ MÜZAKİRƏSİ:hər şey Əliyev-Paşinyan görüşünəmi saxlandı? - TƏHLİL
Elmar Məmmədyarov: “Danışıqlar prosesinin resursları tükənməyib”

Xəbər lenti

PRİZMA

Amnistiyanın Tərbiyəvi Gücü: Vətəndaş Məsuliyyəti və Gələcəyə İnam
Amnistiyanın Tərbiyəvi Gücü: Vətəndaş Məsuliyyəti və Gələcəyə İnam

MÜSAHİBƏ

TƏHLİL

İSRAİL TÜRKİYƏYƏ VETO QOYDU, BAKI DƏVƏTİ RƏDD ETDİ
İSRAİL TÜRKİYƏYƏ VETO QOYDU, BAKI DƏVƏTİ RƏDD ETDİ – “Rəsmi Bakı Qəzza zolağına sülhməramlı kontingent göndərməyi düşünmür

SOSİAL