Respublikaçılar Partiyasından prezidentliyə namizəd Donald Tramp iyulda ona qarşı edilən sui-qəsdə hazırkı prezident Co Bayden və vitse-prezident Kamala Harrisin apardığı siyasətin şərait yaratdığını iddia edib.Sozcu.info xəbər verir ki, bu barədə o, teleaparıcı Fil Makqrou ilə müsahibədə sui-qəsd cəhdini şərh edərkən danışıb.
“Düşünürəm ki, sui-qəsd cəhdində müəyyən dərəcədə Bayden və Harrisin günahı var. Onlar hökuməti mənə qarşı yönəltməyə çalışdılar, mənim sağlamlığım və təhlükəsizliyimlə maraqlanmadılar”, - deyə keçmiş prezident bildirib.
Onun sözlərinə görə, Bayden və Harris Məxfi Xidmətin işini çətinləşdirib.
“Onlar mənə kifayət qədər məxfi xidmət mühafizəsinin təyin edilməsinə mane oldular”, - Tramp əlavə edib.