Bu gün Türkiyənin Antalya şəhərində Dünya Ahıska Türkləri Birliyinin (DATÜB) 4-cü Ümumi Yığıncağı (qurultay) öz işinə başlayıb.
Qafqaz.media xəbər verir ki, qurultayda Azərbaycan, Qazaxıstan, ABŞ, Gürcüstan, Ukrayna, Özbəkistan, Rusiya və Qırğızıstandan nümayəndə heyətləri, eləcə də Türkiyə, Azərbaycan və digər xarici dövlətlərdən bir çox önəmli isimlər iştirak edirlər.
Qurultayda çıxış edən Axısxa Türklərinin başqanı Ziyəddin Kassanov Axısxa Türklərinin daha yaxşı bir həyat sürməsi üçün daha da çox çalışacaqlarını, eyni zamanda yeni layihələrin olacağını bildirib. 
“Qurultaydan yenilənmiş və daha güclü çıxacağıq”, - deyə Z.Kassanov bildirib.