Əvvəlki Sonrakı

Prezident qonaqlarını qarşıladı

Bu gün, 12:32

BU ŞƏXSLƏRƏ 2750 MANAT YARDIM ÖDƏNİLDİ -Nazirlik məlumat yaydı

8-05-2026, 18:42

BƏƏ yenidən İranın dron və raket hücumuna məruz qaldığını bildirir

5-05-2026, 23:48

Tramp müharibənin həlli ilə bağlı İranın son təklifindən narazıdır

28-04-2026, 12:14

TRAMP İRANLA ATƏŞKƏSİ UZATDI - Pakistanın müraciətini nəzərə alıb...

22-04-2026, 13:21

Dövlət vəsaiti ilə qurulan “ailə imperiyası”

Bundan əvvəlki yazıda qeyd etdiyimiz kimi, Qarabağ İqtisadi Rayonunda Bərpa, Tikinti və İdarəetmə Xidmətinin fəaliyyətində ciddi mənimsəmə faktları aşkarlanıb. İddiaların mərkəzində qurumun icraçı direktoru Leysan Məmmədov və onunla əlaqəli şirkətlər var.

Məsələnin maliyyə tərəfi kifayət qədər böyük rəqəmlərlə ifadə olunur. Ümumi dəyəri 25 milyon manatı keçən üç iri müqavilə "Platin" MMC-yə tapşırılıb. Maraqlıdır ki, bu şirkətin rəsmi rəhbəri Rizvan Vəliyevin bacısı oğlu olsa da, idarəçiliyin Leysan Məmmədovun oğlu Elnur Məmmədov tərəfindən həyata keçirildiyi deyilir. Bu vəziyyət dövlət vəsaitlərinin ailə daxilində paylanmasını deməyə əsas verir.

Diqqətçəkən məqam evlərin təmiri üçün ayrılan vəsaitlərin süni şəkildə artırılmasıdır. Yüngül təmir tələb edən evlərin kvadratmetri üçün nəzərdə tutulan 150 manatlıq xərc sənədlərdə 350 manat kimi göstərilib. Bu yolla hər kvadratmetrdə yaranan 200 manatlıq fərq nəticəsində büdcəyə 14 milyon manatdan çox ziyan vurulduğu hesablanıb. Təmir sənədləri ilə evlərin ilkin vəziyyətini əks etdirən fotoların müqayisəsi bu fərqi aydın şəkildə ortaya qoyur.

Dövlət vəsaitlərinin mənimsənilməsində adı keçən Leysan Məmmədovun maliyyə resurslarını şəxsi biznesinə yönəltdiyi barədə məlumatlarımız var. İddialara görə müxtəlif layihələr vasitəsilə əldə edilən vəsaitlər birbaşa deyil, məhz ailə üzvləri üzərindən kommersiya fəaliyyətinə yatırılır. Bu sxemdə əsas fiqurlardan birinin onun qardaşı oğlu Rəşad Məmmədov olduğu bildirilir. Onun adına qeydiyyatdan keçmiş “AQK Manufacturing Company” MMC vasitəsilə Ağdam rayonu ərazisində iri miqyaslı biznes layihələri həyata keçirilir.

Yəni, dövlət büdcəsindən ayrılan vəsaitlər şəxsi investisiya kimi istifadə edilir və bu fəaliyyət qohumların adına rəsmiləşdirilir. Beləliklə faktiki sahibliyin gizlədilməsinə şərait yaradılır. Hazırda Ağdamda 1000 nəfərlik yaşayış kampı, beton və asfalt zavodlarının tikintisi aparılır. Bu obyektlər məhz həmin vəsaitlər hesabına ərsəyə gəlib.

Mənimsəmə hallarının yalnız vəsaitlərin xərclənməsi ilə bitmədiyi, həm də uzunmüddətli gəlir gətirən biznes strukturlarına çevrildiyi görünür. Üzə çıxan mənzərə korrupsiya yolu ilə əldə edilən pulların leqallaşdırılması və davamlı qazanc mənbəyinə çevrilməsi ehtimalını artırır. Faktlar göstərir ki, kateqoriya sistemi qəsdən təhrif edilərək işlərin dəyəri süni şəkildə bahalaşdırılıb və bu yolla külli miqdarda dövlət vəsaiti mənimsənilib.

Dövlət başçısının Qarabağda xüsusi nümayəndəliklər təsis etməkdə məqsədi idarəçilikdə tam şəffaflığa nail olmaq, "köhnə sistemin" qalıqlarını bu müqəddəs torpaqlara buraxmamaq idi. Lakin Leysan Məmmədovun rəhbərlik etdiyi qurumun fəaliyyəti bu hədəflərlə ziddiyyət təşkil edir. Ağdam, Füzuli və Xocavənd rayonları üzrə xüsusi nümayəndəliyin bu proseslərdən nə dərəcədə xəbərdar olduğu isə hələlik qaranlıq qalır.

Kənan İsmayıl

demokrat.az



Oxşar Xəbərlər

KÖVRƏK DUYĞULARIN TÜĞYANI
Professordan İlham Əliyevə açıq məktub: "Mən dövlətə və dövlətçiliyə sadiq olmuşam"
JURNALİSTLƏRİN FƏALİYYƏTİNİ TƏNZİMLƏYƏCƏK YENİ QANUN LAYİHƏSİ - TAM MƏTN
Prezident İlham Əliyev şəhid hərbi qulluqçuları təltif edib - SİYAHI

Xəbər lenti

PRİZMA

Süni intellekt və yağış duası-Xəqani Cəfərli yazır
Süni intellekt və yağış duası-Xəqani Cəfərli yazır

MÜSAHİBƏ

TƏHLİL

ABŞ Senatında İran dilemması
ABŞ Senatında İran dilemması -Müharibə, məsuliyyət və seçki riski

SOSİAL