Əvvəlki Sonrakı

Tramp müharibənin həlli ilə bağlı İranın son təklifindən narazıdır

Dünən, 12:14

TRAMP İRANLA ATƏŞKƏSİ UZATDI - Pakistanın müraciətini nəzərə alıb...

22-04-2026, 13:21

Tramp İsrailin Livanı bombalamasını QADAĞAN ETDİ

17-04-2026, 19:33

AZƏRBAYCAN VƏ RUSİYA RAZILIĞA GƏLDİ - Moskva kompensasiya ödəyəcək

15-04-2026, 23:31

İran nümayəndə heyəti belə qorunacaq - Pakistan qırıcıları artıq bölgəyə yerləşdirilib

10-04-2026, 16:52

BDU şəhidin diplomunu niyə vermir? – Şəhidin anası prezidentə müraciət etdi

Zabit oğlu Qurbanovun anası Elmira Qurbanova Azərbaycan Prezidenti, Ali Baş Komandan İlham Əliyev, Birinci vitse-prezident, Birinci xanım Mehriban Əliyeva, Təhsil naziri Emin Əmrullayev və Bakı Dövlət Universitetinin rektoru Elçin Babayevə müraciət ünvanlayıb.
Korrupsiya.az  Etikxeber.az-a istinadla xəbər verir ki, şəhid anasının müraciətində deyilir:
“Cənab Prezident!
Yazıb Sizə bildirmək istəyirəm ki, mən-Elmira Qurbanova Mingəçevirin İkinci Vətən Müharibəsi Şəhidlərindən olan Tərxan Qurbanovun anasıyam. Üç övladımdan biri, böyük övladım, böyük oğlum Tərxan 2015-2019-cu illərdə Bakı Dövlət Universitetinin (BDU) biologiya fakültəsində təhsil alıb. Tərxan Universitetin sevilən tələbələrindən biri olub, daha çox müəllimlər və qrup yoldaşları arasında böyük hörmət qazanıb. 2019-cu ildə ali təhsilini başa vurduqdan sonra, 05.07.2019-cu il tarixində Ağcabədi rayonundakı hərbi hissələrdən birində hərbi xidmət keçib. İkinci Vətən Müharibəsi başlanan gündən, 27 sentyabrdan da döyüşlərdə olub.
Döyüş yolu da uzun və şərəfli olub. Fizulidən Xocavəndə, Xocavənddən Şuşaya qədər döyüş yolu keçib. Oğlum Xocavənd istiqamətində ağır döyüşlərdən birində, İkinci Vətən Müharibəsinin bitməsinə cəmi 4 gün qalmış-6 noyabr tarixində qəhrəmancasına həlak olaraq, Şəhidlik məqamına yüksəlib. Nəşini yalınız noyabrın 25-ində əldə etmək mümkünləşib və elə həmin gün Mingəçevir şəhər Şəhidlər Xiyabanında torpağa tapşırılıb.
Ölümündən sonra Sizin sərəncamlarınızla “Vətən uğrunda” və “Xocavəndin azad olunmasına görə” medalları ilə təltif olunub. Övlad acısı, övlad itkisi çox ağır və dözülməz olsa da, Tərxanımla Fəxr edir, Qürur duyuram. Fəxr edir, Qürur duyuram ki, belə bir İgidin, Qəhrəmanın anası, valideyniyəm. Oğlum da daxil olmaqla, cəmi Şəhidlərimizin ruhları qarşısında baş əyirəm!”
Müraciətdə sonra deyilir:
“Hörmətli İlham Heydər oğlu!
Sizə müraciət etməkdə məqsədim odur ki, çox təəssüflər və əfsuslar olsun ki, Şəhidimin BDU-nu bitirməsindən iki il vaxt keçməsinə baxmayaraq, diplomunu hələ də ala bilməmişik. Bəlkə də oğlum, Şəhidim sağ olsaydı, bunu özümə dərd etməzdim, deyərdim ki, haçan olsa, alar. Amma 8 aydan çoxdur oğlum, Tərxanım yoxdur, gənc, cavan yaşlarında, ömrünün ən gözəl çağında canını Vətəni, Qarabağı yolunda fəda, Şəhid etdi. Onsuz keçən hər an, hər saniyə mənim, ailəmiz üçün böyük əzabdır, böyük acıdır. Özü sağlığında diplomunu görə, əlinə bircə dəfə olsun ala bilmədi, heç olmasa, diplomu bizə, ailəsinə verilsəydi, az da olsa, bizə təsəlli olardı, onunla təskinlik tapardıq, özümüzü ovudardıq.
Amma təəssüflər olsun ki, nə oğlum əsgərlikdə olan müddətdə, nə də Şəhidliyindən keçən 8 ayda diplomu bizə təhvil verilib. Hər dəfə də vədlər verilir, ancaq diplomun təhvil verilməsi düyünə düşür, mümkün olmur. Bu isə məni, ailəmizi, Şəhid ailəsini çox üzür, çox incidir. Ona görə Sizdən dönə-dönə və acizanə şəkildə xahiş edirəm ki, oğlumun diplomunun bizə-ailəsinə verilməsi ilə bağlı həm Təhsil Nazirliyinə, həm də BDU-ya tapşırıq və göstəriş verəsiniz. İnanıram və əminəm ki, belə də olacaq, dəstəyinizi əsirgəməyəcəksiniz, müraciətim nəzərə alınacaq, öz müsbət həllini tapacaq, Şəhidimin diplomu nəhayət, ailəsinə təhvil veriləcək. Bununla həm Şəhidimizin ruhu sevindirilmiş, həm də Şəhid ailəsinə təsəlli, təskinlik verilmiş olacaq.
Öncədən dərin minnətdarlıq və təşəkkürlərimi bildirirəm. Allah Sizi, Azərbaycanımızı qorusun!”.


Oxşar Xəbərlər

"Vətən müharibəsində Ali Hərbi Məktəbin 10 hərbçisi şəhid olub"
Mehriban Əliyeva Qarabağ əlilinin həbs qoyulmuş evini özünə qaytardı
Vətən müharibəsinin daha bir qazisinə vəzifə verildi
Şuşanın azadlıq xəbərinə sevinən gənclər şəhid anasının ayağından öpdülər — VİDEO

Xəbər lenti

PRİZMA

Sülhün memarı: İlham Əliyev və qlobal barışıq fəlsəfəsi
Sülhün memarı: İlham Əliyev və qlobal barışıq fəlsəfəsi

MÜSAHİBƏ

TƏHLİL

Azərbaycan hüququnda mirasın faktiki qəbulu institutunun transformasiyası
Azərbaycan hüququnda mirasın faktiki qəbulu institutunun transformasiyası

SOSİAL