Əvvəlki Sonrakı

Tramp İranı atəşkəsi pozmaqda ittiham edib

Dünən, 21:14

İlham Əliyev Sərdar Berdiməhəmmədovu Füzulidə qarşıladı -FOTO

23-06-2026, 12:29

Bakının bəzi ərazilərində işıq kəsiləcək

23-06-2026, 00:52

İrandan sonra növbəti hədəfini açıqladı

16-06-2026, 09:32

Milli Qurtuluşdan tarixi zəfərə

15-06-2026, 11:07

“QADİR CƏFƏROVA 400 AZN MADDİ YARDIM AYRILMIŞDIR...” – Ağcabadəi İcra Hakimiyyəti döyüşçünün açıqlamalarına reaksiya verib

Ağcabədi sakini, “Aprel döyüşləri”nin və 44 günlük İkinci Qarabağ savaşının iştirakçısı gizir Qadir Cəfərov Hurriyyet TV-yə açıqlamasında ağır sosial problemlər içində yaşadığını bildirib. O deyib ki, müraciət etməsinə baxmayaraq, Ağcabədi rayon İcra Hakimiyyəti ona yardım əlini uzatmayıb.
Qazinin məlum açıqlamasına rayon rəhbərliyi tərəfindən reaksiya verilib. RİHB aparatının Vətən müharibəsi iştirakçıları və Şəhid ailələri ilə işin təşkili şöbəsinin müdiri Şöhrət Orucovun “Hürriyyət”in elektron poçtuna göndərdiyi məktubu olduğu kimi dərc edirik:
“Məlumat üçün bildiririk ki, 1997-ci il təvvəlüdlü Cəfərov Qadir Habil oğlu 2016-cı il “Aprel döyüşləri”ndə iştirak etdikdən sonra xidmətini gizir kimi Beyləqan rayonunda yerləşən “N” saylı hərbi hissədə davam etdirib. Azərbaycan Ordusunun tarixi qələbəsi ilə bitən  44 günlük Vətən müharibəsində Cəbrayıl, Füzuli və Şuşa uğrunda gedən döyüşlərdə iştirak edərək yaralanıb. Müharibə gedən müddətdə digər müharibə iştirakçıları kimi, Qadir Cəfərovun ailəsinə də icra hakimiyyətinin daxili imkanları hesabına 3 dəfə ərzaq yardımı göstərilmişdir. Lakin sonralar xidməti ilə əlaqədar olaraq özünün Beyləqan rayonunda, ailəsinin isə Bakı şəhərində yaşaması səbəbindən onlarla  əlaqə saxlamaq mümkün olmamışdır.
Ağcabədi rayonun Kəhrizli kəndi ərazisində Cəfərov Qadir Habil oğlunun ailəsinə məxsus 3.04 ha pay torpaq sahəsi vardır ki, həmin torpaq sahəsi hazırda kənd sakininə 5 illik müddətə icarəyə verilmişdir.
Eyni zamanda, Kəhrizli kəndində Qadir Cəfərovun ailəsinə məxsus sahəsi 0.31 ha və 0.20 ha olmaqla 2 həyətyani torpaq sahəsi və ümumi sahəsi 240 kv.m olan 2 mərtəbəli fərdi yaşayış evi vardır. Ailə Bakı şəhərində yaşadığı üçün hazırda həmin evdə heç kim yaşamır.
Qadir Cəfərov  03.03.2022-ci il tarixdə Ağcabədi Rayon İcra Hakimiyyətinə müraciət edərək anasının səhhəti ilə əlaqədar olaraq hazırda Bakı şəhərində kirayədə yaşadığını, aylıq 400 AZN kirayə pulu ödədiyini, lakin hazırda həmin pulu ödəyə bilmədiyini bildirərək, ona 200 AZN maddi yardım göstərilməsini xahiş etmişdir. Q. Cəfərov 03.03.2022-ci il tarixdə  mövcud karantin rejiminin tələblərinə əsasən videoqəbul formatda ("ZOOM" proqramı vasitəsilə) Ağcabədi RİH Başçısı cənab Rafil Hüseynov tərəfindən onlayn qəbul edilmiş və dinlənilmişdir. Qəbul zamanı vətəndaşa mövcud qanunvericilik qaydaları ətraflı izah edilmiş, Ağcabədi RİH tərəfindən ona 400 AZN maddi yardım (1 aylıq kirayə pulu) ayrılacağı bildirilmişdir. 04.04.2022-ci il tarixdə Ağcabədi Rayon İcra Hakimiyyəti başçısının sərəncamında sair zəruri xərclərə yardım maddəsində olan vəsaitdən Cəfərov Qadir Habil oğluna 400 manat maddi yardım ayrılmışdır.
Bütün bayramlar münasibətilə Ağcabədi Rayon İcra Hakimiyyətinin daxili imkanları hesabına Cəfərov Qadir Habil oğlu daxil olmaqla, 49 nəfəri şəhid ailəsi üzvü, 43 nəfəri Vətən müharibəsi əlili, 102 nəfəri müharibə iştirakçıları, 416 nəfəri isə aztəminatlı ailəyə (cəmi 610 nəfər) bayram sovqatı göndərilmişdir.
Həmçinin məlumat üçün qeyd edək ki, müharibə dövründə və müharibədən sonrakı dövrdə evinə qayıtmış müharibə iştirakçılarından 268 nəfəri Ağcabədi Rayon İcra Hakimiyyəti başçısı cənab Rafil Hüseynov tərəfindən evlərində ziyarət olunmuş, həmin günlərdə evdə olmayanbütün yaralıların ailələrinə isə yardımlar göndərilmişdir. Bundan başqa, qismən səfərbərliklə hərbi xidmətə cəlb olunmuş rayon sakinləri, eləcə də, müddətdən artıq hərbi xidmət edən hərbi qulluqçular və zabitlərin ailələrinə müharibə dövründə rayon İcra Hakimiyyətinin daxili imkanları hesabına ərzaq sovqatları çatdırılmışdır.
Rayon İcra Hakimiyyəti başçısının müvafiq sərəncamları ilə Ağcabədi şəhər Şəhidlər Xiyabanında dəfn olunmuş 12 şəhid, eləcə də, Sarıcalı, Qaraxanlı və Minaxorlu kəndlərində dəfn edilmiş 5 şəhid olmaqla, ümumilikdə 17 şəhidin qəbirüstü abidəsi rayon İcra Hakimiyyəti tərəfindən ayrılmış vəsaitlə hazırlanmış, 13 şəhidin 24 övladının hər birinə rayon İcra Hkaimiyyətinin müvafiq sərəncamları ilə aylıq 100 manat müavinət ayrılmış və ödənişlərin həyata keçirilməsi üçün plastik kartlar “31 Dekabr – Dünya Azərbaycanlarının Həmrəyliyi Günü” ərəfəsində şəxsən rayon İcra Hakimiyyəti başçısı tərəfindən şəhdilərimizin həyat yoldaşlarına evlərində ziyarəti zamanı təqdim edilmişdir.
Şəhid adlarının əbədiləşdirilməsi üçün rayon İcra Hakimiyyəti başçısının müvafiq sərəncamları ilə Ağcabədi şəhərində 9, Hindarx qəsəbəsində 1, kəndlərdə isə 32 olmaqla, ümumilikdə 42 küçəyə Vətən müharibəsi şəhidlərinin adı verilmiş, həmin küçələrdə xatirə lövhəsi qoyulmuş, bütün şəhidlərin xatirəsinə bulaq abidə kompleksləri tikilmişdir.
Rayon İcra Hakimiyyəti başçısının müvafiq sərəncamları ilə 43 nəfər şəhid ailəsi üzvü, 25 nəfər Vətən müharibəsi əlili artıq rayon İcra Hakimiyyətində mənzil növbəsinə alınmış, müvafiq tədbirlərin həyata keçirilməsi üçün adlı siyahı Azərbaycan Respublikasının Əmək və Əhalinin Sosial Müdafiəsi Nazirliyinə təqdim edilmişdir.
Ötən ilin sentyabr ayının 27-dən başlayaraq rayon İcra Hakimiyyəti başçısı cənab Rafil Hüseynovun iştirakı ilə Vətən müharibəsi şəhidlərinin ildönümü mərasimləri keçirilmiş, bütün xərcləri Ağcabədi rayon İcra Hakimiyyəti tərəfindən qarşılanmışdır.
Rayon İcra Hakimiyyəti başçısı aparatının məsul əməkdaşları aparılmış bölgü əsasında mütəmadi olaraq şəhid ailələrini evlərində ziyarət edərək onların problemlərini öyrənir və bu problemlərin həlli istiqamətində qanunvericiliyə uyğun olaraq tədbirlər həyata keçirilir.       
Rayon İcra Hakimiyyətinin daxili imkanları hesabına 3 şəhid ailəsinə fərdi yaşayış evi tikilmiş, onlarla müharibə iştirakçısı və aztəminatlı ailələrin fərdi yaşayış evləri təmir edilmiş, yüzlərlə imtiyazlı şəxslərin və aztəminatlı ailələrin müalicə və digər xərcləri və yeni tədris ilində övladlarının geyim forması və məktəb ləvazimatları rayon İcra hakimiyyəti tərəfindən qarşılanmışdır.
Yüzlərlə müharibə iştirakçıları və şəhid ailələri Ağcabədi Məşğulluq Mərkəzi tərəfindən işlə və ya aktivlərlə təmin olunmuş, müraciəti əsasında müharibə iştirakçıları təyinatına uyğun torpaq sahələri ilə təmin olunmuşdur”.
Hurriyyet.az  


Oxşar Xəbərlər

Sumqayıtda şəhidin xatirə bulağı sökülüb?
Doğum günü olan şəhidlər - FOTO
Vətən müharibəsinin daha bir qazisinə vəzifə verildi
Doğum günü olan şəhidlər - FOTO

Xəbər lenti

PRİZMA

Sərhəd Məmmədov – Şərəfli ömrün 80 illik yubileyi
Sərhəd Məmmədov – Şərəfli ömrün 80 illik yubileyi

MÜSAHİBƏ

TƏHLİL

ABŞ-ın İrana qarşı hərbi əməliyyatlarının xərci 132 milyard dolları ötüb
ABŞ-ın İrana qarşı hərbi əməliyyatlarının xərci 132 milyard dolları ötüb

SOSİAL