Milli Məclisin İqtisadi siyasət, sənaye və sahibkarlıq komitəsinin iclası keçirilir. Müzakirələrdə komitə üzvü olan deputatlarla yanaşı Dövlət Vergi Xidmətinin rəhbər şəxsləri də iştirak edir. Komitə sədri Tahir Mirkişili iştirakçıları, o cümlədən Azərbaycan İqtisadiyyat Nazirliyi yanında Dövlət Vergi Xidmətinin rəisi Orxan Nəzərlini salamladı, daha sonra gündəliyi elan etdi. Gündəlikdə Vergilər Məcəlləsinə, İnzibati Xətalar Məcəlləsinə dəyişikliklər, o cümlədən bu dəyişikliklərdən irəli gələn bir sıra məsələlər var.
Deputat bildirdi ki, ötən illər ərzində vegi sistemində vətəndaşların inam və etibarının artırılması ilə bağlı xeyli irəliləyişlər əldə olunub. Eyni zamanda vergidən yayınmaların aradan qaldırılması istiqamətində də kifayət qədər işlər görülüb. Pandemiya dövründə sahibkarlığa edilən güzəştlər də iş adamlarına əlavə imkan yaradıb. Komitə sədri keçən 9-10 ay ərzində vergi yığımında artımların olduğunu da müsbət hal kimi qeyd etdi. T.Mirkişili bildirdi ki, 2022-ci ildə Azərbaycan iqtisadiyyatının daha da inkişaf edəcəyi proqnozlaşdırılır. Bununla bağlı qarşıda həlli vacib olan məsələlər də var.
Dövlət Vergi Xidmətinin rəisi Orxan Nəzərli çıxışında bildirdi ki, təklif olunan dəyişikliklərlə bağlı dövlət büdcəsində 65 milyon manatdan çox artım gözlənilir.